الماتى. 13 تامىز. قىتاي باسشىلىعى تيانتسزيندەگى جارىلىستان زارداپ شەككەندەردى قۇتقارۋعا مەيلىنشە كۇش سالىپ, اپات زاردابىن السىرەتۋگە بايلانىستى ۇندەۋ تاستادى. بۇل تۋرالى سينحۋا حابارلادى.
كحر توراعاسى سي تسزينپين جوعالعان ادامداردى ىزدەستىرۋ مەن وت-جالىندى باسۋدى قاتار جۇرگىزۋگە تاپسىرما بەردى. سارسەنبىنىڭ تۇنىندە رەسپۋبليكانىڭ سولتۇستىگىندەگى ايلاقتى قالا تيانتسزيندە بولعان جارىلىستان – سوڭعى مالىمەت بويىنشا – 17 ادام قازا تاۋىپ, 400-دەن استام ادام جاراقات الدى. ونىڭ 32-ءنىڭ ءحالى اۋىر كۇيدە.
مەملەكەتتىك كەڭەستىڭ پرەمەرى لي كەتسيان بيلىككە ىزدەستىرۋ مەن قۇتقارۋ جۇمىسىن جەدەلدەتىپ ءارى وتە تىڭعىلىقتى جۇرگىزۋگە تاپسىرما بەردى. سونداي-اق, پرەمەر اپاتقا قاتىستى تەرگەۋ شارالارىنىڭ مۇقيات جۇرگىزىلەتىنىن, ول تۋرالى حالىققا جاريا ەتەلەتىنى تۋرالى دا ايتتى.
قۇتقارۋ جۇمىستارى ءالى دە جۇرگىزىلۋدە.
تالعات ءسۇيىنباي.
دەرەك, سۋرەت: سينحۋا.