قازاقستان رەسپۋبليكاسىنىڭ شانحاي ىنتىماقتاستىق ۇيىمىنا توراعالىعى شەڭبەرىندە 2010 جىلى 8-9 شىلدەدە دۋشانبە قالاسىندا قازاقستان سىرتقى ىستەر ءمينيسترىنىڭ ورىنباسارى نۇرلان ەرمەكباەۆ پەن تاجىكستان سىرتقى ىستەر ءمينيسترىنىڭ ءبىرىنشى ورىنباسارى ابدۋللو يۋلداشەۆتىڭ اراسىندا سىرتقى ىستەر مينيسترلىكتەرى ارالىق كونسۋلتاتسيالارى ءوتتى.كونسۋلتاتسيالار بارىسىندا تاراپتار قازاقستاننىڭ ۇيىمعا توراعالىعىنا ارنالعان شىۇ نەگىزگى باسىمدىقتارى جانە قازاقستان باستاماشىسى بولعان كوپجاقتى سيپاتقا يە جانە ۇيىمنىڭ ءتۇرلى سالاداعى نەگىزگى ءىس-شارالارىن ايقىندايتىن شىۇ-نىڭ 2010-2011 جىلدارعا ارنالعان ءىس-ارەكەتتەر جوسپارىن تالقىلادى. سونداي-اق, ۇيىمعا مۇشە مەملەكەتتەردىڭ قىرعىزستانعا كومەك كورسەتۋ مۇمكىندىگى تۋرالى پىكىر الماسىلدى, دەپ حابارلادى قر ءسىم-ءىنىڭ ءباسپاسوز قىزمەتى.