جيىنعا قاتىسقاندار قالاداعى بالالار شىعارماشىلىعى ورتالىعىنىڭ, 20 پاتەرلىك تۇرعىن ءۇي مەن تاعى باسقا نىساندارداعى قۇرىلىس جۇمىستارىنىڭ بارىسىمەن تانىسىپ, ونىڭ ساپاسىنا دەن قويدى.مەملەكەت باسشىسىنىڭ بيىلعى جولداۋىندا قارجى جۇيەسىنىڭ تۇراقتىلىعى مەن ورنىقتىلىعىن قامتاماسىز ەتۋدىڭ ماڭىزدىلىعى اتاپ كورسەتىلگەن. وسى مىندەتتەردى جۇزەگە اسىرۋ بارىسىندا “نۇر وتان” حالىقتىق-دەموكراتيالىق پارتياسى وبلىستىق فيليالى ناقتى جۇمىستاردى قولعا الىپ, “جول كارتاسى – حالىق سەنىمى” قوعامدىق تىڭداۋدى قاپشاعاي قالاسىندا وتكىزىپ, وعان وڭىردەگى پارتيا فيليالدارىنىڭ توراعالارىنىڭ ءبىرىنشى ورىنباسارلارى, پارتيالىق باقىلاۋ كوميسسيالارىنىڭ توراعالارى جانە قاپشاعاي قالالىق ءماسليحاتىنىڭ دەپۋتاتتارى, پارتيا بەلسەندىلەرى مەن ۇكىمەتتىك ەمەس ۇيىمدار مۇشەلەرى, الەۋمەتتىك باعدارلاما, قۇرىلىس بولىمدەرىنىڭ باسشىلارى قاتىسىپ, كۇن تارتىبىندەگى ماسەلەنىڭ ماڭىزىنا ءمان بەردى.
قوعامدىق تىڭداۋدا وبلىستىق فيليال پارتيالىق باقىلاۋ كوميسسياسىنىڭ باسشىسى ج.جەكسەنبينوۆ “جول كارتاسى” باعدارلاماسىنىڭ اياسىندا وڭىردە اتقارىلعان جۇمىستارعا توقتالىپ, سوڭعى ەكى جىلدا عانا ماڭىزدى شاراعا 27 ملرد. تەڭگەگە جۋىق قارجى ءبولىنىپ, يگەرىلگەنىن ورتاعا سالدى. ءناتيجەسىندە, 20 مىڭعا جۋىق ادام جۇمىسپەن قامتىلسا, 530-عا جۋىق جوبا جۇزەگە اسىرىلىپتى. سونىمەن قاتار, “100 مەكتەپ, 100 اۋرۋحانا”, “اۋىز سۋ”, “تۇرعىن ءۇي-كوممۋنالدىق شارۋاشىلىعى”, “جول قۇرىلىسى” باعدارلاماسىمەن ەلدى مەكەندەردە تۇرعىن ءۇي سالۋ, جىلۋ جانە سۋمەن قامتاماسىز ەتۋ جۇيەلەرى جوندەلسە, مىڭداعان شاقىرىم كولىك جولدارى, ءبىلىم بەرۋ, دەنساۋلىق ساقتاۋ, مادەنيەت جانە سپورت نىساندارىن سالۋ مەن كۇردەلى ءجوندەۋدەن وتكىزۋ جۇمىستارى قامتىلعانى ايتىلدى. تەك قاپشاعاي قالاسىندا باعدارلاما اياسىندا 15 نىسان ىسكە قوسىلىپ, 667,7 ملن. تەڭگەنىڭ قۇرىلىس جۇمىستارى يگەرىلسە, شاھار ساۋلەتتەنىپ, قازىرگى زامان قالاسىنا اينالعان.
پارتيانىڭ كەزەكتەن تىس ءحىى سەزىندە العا قويىلعان مىندەتتەرگە بايلانىستى جۇمىستار اۋقىمى ءالى دە جەتكىلىكتى دەۋگە بولادى. سوندىقتان دا, قوعامدىق تىڭداۋ كەزىندە اتالعان شاھارداعى الەۋمەتتىك نىساندار قۇرىلىسىندا جول جوندەۋ, تاعى باسقا سالالارداعى جۇمىسسىزدىقتى ازايتۋ مەن قارجى داعدارىسىنان شىعۋعا باعىتتالعان باعدارلامالاردىڭ بۇگىنگى جايى زەردەلەنىپ, قالالىق پارتيا فيليالى جانىنداعى پارتيالىق كوميسسيا مەن بەكەتتەردىڭ جۇمىسىنا باعا بەرىلسە, تىڭداۋدا ونىڭ ءبىرشاما تياناعى كەلتىرىلگەنى اتاپ كورسەتىلدى.
وڭىردە وتكەن جىلى “جول كارتاسى” نەگىزىندە جۇزگە تارتا پارتيالىق باقىلاۋ بەكەتتەرى جۇمىسىن جۇيەلەسە, قازىرگى كەزدە ولاردىڭ سانى ەداۋىر ارتىپ, بەلسەندىلىكتەرى دە نىعايا تۇسكەن. وسىلايشا 135 پارتيالىق باقىلاۋ بەكەتتەرىنە ساياسي كەڭەستىڭ مۇشەلەرى, وبلىستىق, اۋداندىق جانە قالالىق ءماسليحات دەپۋتاتتارى, ۇكىمەتتىك ەمەس ۇيىم مۇشەلەرى تارتىلىپ, قۇرامى 400-دەن اسقان. ولار باعدارلامانىڭ ورىندالۋىن باقىلاۋعا الىپ, وتكەن مەرزىمدە ونىڭ پارمەندىلىگىنە قول جەتكىزىلگەن. ماسەلەن, تالعار, ىلە, ەسكەلدى, اقسۋ, ەڭبەكشىقازاق اۋداندارى مەن قاپشاعاي, تالدىقورعان قالالارىنىڭ پارتيالىق باقىلاۋ كوميسسيالارى مەن باقىلاۋ بەكەتتەرىنىڭ جۇرگىزگەن رەيدتەرى مەن تىڭداۋلارى ناتيجەسىندە ناقتى ىستەردىڭ تياناعى كەلتىرىلگەنىن كورەمىز. دەسەك تە, جاعداي بارلىق جەردە وسىلاي دەۋگە بولمايدى. قوعامدىق تىڭداۋ كەزىندە كەيبىر جەرلەردە جۇمىستىڭ سىلبىر جۇرگىزىلگەنى, قۇرىلىس جۇمىستارىندا وتاندىق ونىمدەردى پايدالانۋدىڭ جەتكىلىكسىزدىگى اتاپ كورسەتىلدى.
پارتيانىڭ قوعامدىق تىڭداۋىندا “نۇر وتان” حالىقتىق-دەموكراتيالىق پارتياسى قاپشاعاي قالالىق فيليالى پارتيالىق باقىلاۋ كوميسسياسىنىڭ توراعاسى ق.تەمىراليەۆ, قالا اكىمىنىڭ ءبىرىنشى ورىنباسارى ءى.سۇگىروۆ, ىلە اۋدانى پارتيالىق باقىلاۋ كوميسسياسىنىڭ توراعاسى ۆ.كيم جانە تاعى باسقالار سويلەپ, قارجىنى يگەرۋ مەن حالىقتى جۇمىسپەن قامتۋ باعىتىنداعى الدا تۇرعان مىندەتتەرگە توقتالدى. قاي كەزدە دە سىن مەن ءوزارا سىننىڭ قاجەتتىگى ايتىلدى.
جيىنعا قاتىسقاندار قالاداعى بالالار شىعارماشىلىعى ورتالىعىنىڭ, 20 پاتەرلىك تۇرعىن ءۇي مەن تاعى باسقا نىساندارداعى قۇرىلىس جۇمىستارىنىڭ بارىسىمەن تانىسىپ, ونىڭ ساپاسىنا دەن قويدى. وسىلايشا بۇگىندە بارشانىڭ سۇرانىسىنا جاۋاپ بەرگەن “جول كارتاسى” باعدارلاماسىنا بولىنگەن قارجىنى يگەرۋ مەن اتقارىلعان جۇمىستاردىڭ تيىمدىلىگى پارتيالىق باقىلاۋدىڭ پارمەنى ارتقانىن كورسەتتى.
كۇمىسجان بايجان, الماتى وبلىسى.