كەشە ەلورداداعى “دۋمان” ويىن-ساۋىق كەشەنىندە سالىق قىزمەتكەرلەرى كۇنىنە وراي “بالالاردىڭ سالىققا كوزقاراسى” تاقىرىبىنا جاريالانعان بالالاردىڭ رەسپۋبليكالىق سۋرەت بايقاۋىنىڭ قورىتىندىسى شىعارىلدى. سونداي-اق, وندا مەملەكەتتىك سالىق ساياساتىن ناسيحاتتاۋعا, سالىق تولەۋشىلەردىڭ سالىق مادەنيەتىن ارتتىرۋعا, ەلىمىزدىڭ سالىق قىزمەتىنىڭ جاعىمدى كەسكىن-كەلبەتىن قالىپتاستىرۋعا ءوز ۇلەستەرىن قوسقان بىرنەشە باق ۇجىمدارى مەن تىلشىلەر قاۋىمى ماراپاتتالدى.
بۇگىندە سالىق قىزمەتكەرلەرىنىڭ تىنىمسىز جۇمىستارىنىڭ ارقاسىندا سالىق تولەۋ دۇرىس جولعا قويىلىپ وتىر. سالىق كوميتەتى سالىق تولەۋدەن جالتاراتىنداردى باق بەتتەرىندە جاريالاۋ ءداستۇرىن جالعاستىرۋدا. وسىنداي ناقتى جۇرگىزىلگەن جۇمىستاردىڭ ارقاسىندا ادال سالىق تولەۋشىلەر قاتارى ارتىپ كەلەدى.
“بالالاردىڭ سالىققا كوزقاراسى” تاقىرىبىنا ارنالعان سۋرەت بايقاۋى جاس ۇرپاقتىڭ “سالىق تولەۋ” تۇسىنىگىنە جانە مىندەتتىلىگىنە دۇرىس قارىم-قاتىناسىن, حالىقتىڭ سالىق تۋراسىندا ءبىلىمىن دامىتۋ ماقساتىندا وتكىزىلدى. بايقاۋ ءبىرىنشى رەت ۇيىمداستىرىلدى. وعان 200-گە جۋىق بالا قاتىستى. سابيلەردىڭ قالامدارىمەن اق قاعاز بەتىنە وتە قىزىق جانە ماڭىزدى دۇنيەلەر بەينەلەنگەن. سالۋ شەبەرلىگى مەن ويدى بەرە ءبىلۋىن ساراپتاۋ بارىسىندا 9 جەڭىمپازدى انىقتادىق. ولاردىڭ ماقتاۋ قاعازدارى مەن سىيلىقتارى 1 قىركۇيەكتە ءوز مەكتەپتەرىندە تابىستالاتىن بولادى, دەدى سالىق كوميتەتى توراعاسىنىڭ ورىنباسارى ارداق تەڭگەباەۆ.
سالىنعان سۋرەتتەردىڭ ايتار ويى دا, سالۋ ادىستەرى دە الۋان ءتۇرلى ەكەن. ولاردى قىزىقتاي قاراپ ءجۇرىپ, جاستارى ءالى كىشكەنتاي بولسا دا بالالاردىڭ سالىق تولەۋ جونىندە ءبىرشاما حاباردار ەكەنىن بايقادىق. ء“بىز ءۇشىن تاڭداۋ جاساۋ وتە قيىنعا سوقتى”, دەيدى قازىلار القاسىنىڭ مۇشەسى, استانا قالاسى سۋرەت مەكتەبىنىڭ ديرەكتورى گۇلزيا يسەنوۆا. ونىڭ ايتۋىنشا, 3 جاس ەرەكشەلىگى بويىنشا ساراپتاۋدان وتكەن سۋرەتشىلەر تۋىندىلارىنىڭ ءارقايسىسىنىڭ ءوز ورنى بار.
بۇدان كەيىن سالىق كوميتەتى توراعاسىنىڭ ورىنباسارى ارداق تەڭگەباەۆ پەن كوميتەتتىڭ ءباسپاسوز قىزمەتىنىڭ باسشىسى رايحان ءشارىپوۆا مەملەكەتتىك سالىق ساياساتىن كەڭىرەك ناسيحاتتاۋعا اتسالىسىپ جۇرگەن بىرقاتار باق ۇجىمدارىن ديپلومدارمەن ماراپاتتادى. ولاردىڭ قاتارىندا ەل گازەتى “ەگەمەن قازاقستان” دا بار. ەلىمىز سالىق قىزمەتىنىڭ جاعىمدى ءيميدجىن قالىپتاستىرۋدا تىلشىلەرمەن تىزە قوسا, ءتىل تابىسىپ جۇمىس ىستەپ جۇرگەن رايحان كاپسوليامقىزى دا جۋرناليستەرگە العىسىن جەتكىزدى. ال ءبىز ءوز تاراپىمىزدان سالىقشىلاردى كاسىبي مەرەكەلەرىمەن قۇتتىقتاي وتىرىپ, ادال سالىقشىلار قاتارى كوبەيە بەرسىن دەمەكپىز.
ۆەنەرا تۇگەلباي.