قوستاناي.13 تامىز. قوستاناي وبلىسىندا اۋىل شارۋاشىلىعى سالاسى قىزمەتكەرلەرىنىڭ كۇزگى جيىن-تەرىن الدىنداعى كەڭەسى ءوتتى. بۇل تۋرالى egemen.kz ءتىلشىسى حابارلادى.
قوستاناي وڭىرىندە استىق جيناۋ ناۋقانى باستالدى. قازىر س ۇلى مەن ارپاعا وراق ءتۇستى. تامىز ايىنىڭ 20-نا قاراي وبلىس وڭىرىندە استىق جيناۋعا جاپپاي اتتانىس باستالادى. اۋىل شارۋاشىلىعى قىزمەتكەرلەرىنىڭ كەڭەسىندە ايتىلعانداي, بۇل ۋاقىتتا بارلىق استىقتىڭ 6 پايىزى قامباعا تۇسۋگە ءتيىس. ال تامىزدىڭ 25-نە قاراي 37 پايىزى جينالسا, 1 قىركۇيەكتە بيدايدىڭ 90 پايىزى جينالىپ, سول ايدىڭ ورتاسىنا قاراي ناۋقان اياقتالۋى كەرەك.
كوكتەمدە توپەپ جاۋعان جاۋىنعا بايلانىستى ءدان ءدال ۋاقىتىندا سەبىلگەن جوق. جاڭبىر كوپ جاۋعان وبلىستىڭ سولتۇستىك اۋداندارىندا كوكتەمگى دالا جۇمىستارى ماۋسىمنىڭ 10-نان كەيىن اياقتالعان بولاتىن. سوندىقتان ەگىننىڭ الا پىسەتىنى ديقاندارعا بەلگىلى بولىپ وتىر. بيىلعى استىقتىڭ جينالۋى دا تەحنيكانىڭ كۇشى مەن كۇزگى اۋا رايىنىڭ قالاي قۇبىلۋىنا بايلانىستى بولادى.
وبلىس اكىمىنىڭ ورىنباسارى بازىل جاقىپوۆ: «بيىل ورتاشا گەكتار ءتۇسىمى 10-11 تسەنتنەردەن اينالادى دەپ وتىرمىز. جالپى ءونىم 4.5 ميلليون توننا بولىپ قالادى. بىراق اۋا رايىنىڭ وراققا قانشالىقتى قولايلى بولارىن ءدال كەسىپ ايتۋ دا قيىن. اۋداندىق اۋىل شارۋاشىلىعى بولىمدەرى ماماندارىنىڭ ايتۋىنشا, 225 مىڭ گەكتارداي بيداي القابى ەندى باس الىپ كەلەدى, 2 ميلليون گەكتارداي القاپ گۇلدەۋ ساتىسىندا تۇر. مۇنىڭ بارلىعى دا كوكتەمدە ءداننىڭ كەش سىڭىرىلۋىنەن بولعانى بەلگىلى. ونىڭ تولىق پىسۋىنە 30-35 كۇن كەرەك», – دەدى.
اۋىل شارۋاشىلىعى قىزمەتكەرلەرىنىڭ استىق جيناۋ ناۋقانى ادىنداعى كەڭەسىندە تەحنيكانىڭ دايىندىعىنا جانە ناۋقان كەزىندەگى جۇمىستاردىڭ بىلىكتى ۇيىمداستىرىلۋىنا بارىنشا كوڭىل ءبولىندى.
ءنازيرا جارىمبەتوۆا.
دەرەك, سۋرەت: egemen.kz.