استانادا اۋا رايىنىڭ قولايسىزدىعىنا بايلانىستى ەكىنشى اۋىسىمداعى 0-9 سىنىپ وقۋشىلارى قاشىقتان وقۋ فورماتىنا كوشىرىلدى. بۇل تۋرالى قالالىق ءبىلىم باسقارماسىنىڭ ءباسپاسوز قىزمەتى حابارلادى, دەپ جازادى Egemen.kz.
«2026 جىلعى 06 اقپان كۇنى اۋا رايىنىڭ قولايسىزدىعىنا بايلانىستى ءبىرىنشى اۋىسىمنىڭ 0-9 سىنىپ وقۋشىلارى قاشىقتان وقىتۋ فورماتىنا اۋىستىرىلادى», دەلىنگەن حابارلامادا.
ايتا كەتەيىك, ەرتەڭ ەلىمىزدىڭ 16 وبلىسىندا اۋا رايىنا بايلانىستى داۋىلدى ەسكەرتۋ جاريالاندى.
سونىمەن قاتار, استانا قالاسىنىڭ توتەنشە جاعدايلار دەپارتامەنتى حابارلاعانداي, «قازگيدرومەت» رمك مالىمەتتەرى بويىنشا, 6 اقپاندا استانا قالاسىندا قار ارالاس جاۋىن-شاشىن كۇتىلەدى. كوكتايعاق بولادى. تۇندە جانە تاڭەرتەڭ تۇمان تۇسەدى. تاڭەرتەڭ جانە كۇندىز جاياۋ بۇرقاسىن بولادى. جەل وڭتۇستىك-باتىستان سولتۇستىك-باتىسقا اۋىسىپ, تاڭەرتەڭ جانە كۇندىز ەكپىنى سەكۋندىنا 15-20 مەترگە دەيىن بولادى.