جەزقازعان جوعارى پوليتەحنيكالىق كوللەدجىندە «زاڭ جانە ءتارتىپ» قاعيداسى اياسىندا جاستار اراسىندا قۇقىقبۇزۋشىلىقتىڭ الدىن الۋ ماقساتىندا «جاسوسپىرىمدەر اراسىندا ناشاقورلىق, لۋدومانيا, الكوگوليزم, بۋللينگ جانە ءسۋيتسيدتىڭ الدىن الۋ پروفيلاكتيكاسى» تاقىرىبىندا كەزدەسۋ ۇيىمداستىرىلدى. كەزدەسۋگە 1-2 كۋرس ستۋدەنتتەرىنەن قۇرالعان 160 ستۋدەنت قاتىستى, دەپ حابارلايدى Egemen.kz.
ەلىمىزدە جاستار اراسىندا ناشاقورلىق, الكوگوليزم, لۋدومانيا, بۋللينگ سياقتى زياندى ارەكەتتەر ءالى تىيىلماي تۇر. وسىنىڭ ءوزى مەكتەپتەر مەن كوللەدجدەردە وسى ماسەلەگە جاۋاپتى ماماندارمەن كەزدەسۋ جاساپ, كەڭەس بەرۋ جۇمىسىن كۇشەيتۋدى قاجەت ەتەدى. وسى ورايدا جاستار اراسىندا قۇقىقبۇزۋشىلىقتىڭ الدىن الۋ, قۇقىقتىق مادەنيەتتى قالىپتاستىرۋ جانە تاربيە جۇمىسى اسا ماڭىزدى.
جامان ادەتتەن جيرەنگەن جۇرت
جەزقازعان قالاسى پروكۋراتۋراسىنىڭ اعا پروكۋرورى حادجىمۇرات سەرىكباي جانە جەزقازعان قالاسى پوليتسيا ءبولىمى قىلمىستىق-قۇقىق بۇزۋشىلىقتاردىڭ الدىن الۋ توبىنىڭ ينسپەكتورى, پوليتسيا كاپيتانى ازات ەسەنعابۇلوۆ جاستارعا وزەكتى ماسەلە قوزعاپ, ونىڭ زاردابىن ءتۇسىندىردى. ادام ومىرىنە زياندى ارەكەتتەردەن اۋلاق بولۋعا ۇندەدى.
جيرەن جامان ادەتتەن!
كەزدەسۋگە قاتىسقان ءبىلىم الۋشىلار دا سالماقتى سۇراق قويىپ, بەلسەندىلىك تانىتتى.