«اق جول» دەموكراتيالىق پارتياسىنىڭ ورتالىق كەڭسەسىندە پارتيانىڭ ۇلتتىق كەڭەسىنىڭ پلەنۋمى ءوتتى. وندا قاتىسۋشىلار پارلامەنتتىك فراكتسيانىڭ كونستيتۋتسيانىڭ جاڭا جوباسىن تالقىلادى, دەپ حابارلايدى Egemen.kz.
پارتيا توراعاسى ازات پەرۋاشەۆ 2025 جىلدىڭ قىركۇيەگىنەن باستاپ اۋەلى پارلامەنتتىك رەفورما جونىندەگى جۇمىس توبىنىڭ, كەيىننەن كونستيتۋتسيالىق كوميسسيانىڭ قۇرامىندا جاڭا كونستيتۋتسيا جوباسى بويىنشا اتقارىلعان جۇمىستار جايىندا باياندادى. جوبانىڭ نەگىزگى ەرەجەلەرىن «اق جول» دەمپارتياسى فراكتسياسىنىڭ مۇشەسى, قر پارلامەنتى ءماجىلىسىنىڭ ۆيتسە-سپيكەرى دانيا ەسپاەۆا تانىستىردى.
مەملەكەتتىك كەڭەسشى: جاڭا كونستيتۋتسيا – ۇلتتىق مۇددەنى كوزدەيدى
تالقىلاۋ بارىسىندا پارتيا توراعاسىنىڭ ورىنباسارى, ءماجىلىس دەپۋتاتى قازىبەك يسا, ءماجىلىس دەپۋتاتى سەرىك ەرۋباەۆ, پارتيانىڭ پارلامەنتتىك فراكتسياسى اپپاراتىنىڭ باسشىسى بەرىك دۇيسەمبينوۆ, «اق جول» دەمپارتياسىنىڭ استانا قالالىق فيليالىنىڭ توراعاسى, ءماسليحات دەپۋتاتى اسقار سماعۇلوۆ, قىزىلوردا وبلىستىق فيليالىنىڭ توراعاسى, دەپۋتات ءارى وبلىستىق ءماسليحات كوميسسياسىنىڭ توراعاسى باۋىرجان ساندىباەۆ, الماتى وبلىستىق فيليالىنىڭ توراعاسى مەيراش شىناسيلوۆا, قاراعاندى وبلىستىق فيليالىنىڭ توراعاسى, وبلىستىق ءماسليحات دەپۋتاتى ەرمەك ءابىلدين, اقمولا وبلىستىق فيليالىنىڭ توراعاسى, دەپۋتات ءارى وبلىستىق ءماسليحات كوميسسياسىنىڭ توراعاسى سايات سىزدىقوۆ, جەتىسۋ وبلىستىق فيليالىنىڭ توراعاسى, دەپۋتات ءارى وبلىستىق ءماسليحات كوميسسياسىنىڭ توراعاسى ەرمەك ەگiنباەۆ جانە تاعى دا باسقا پارتيا مۇشەلەرى ءسوز سويلەدى.
ءسوز العاندار قابىلدانىپ جاتقان شەشىمدەردىڭ دۇرىستىعىن دالەلدەيتىن جەكە جۇمىس تاجىريبەلەرىمەن ءبولىستى (مىسالى, «پارلامەنتتىك وپپوزيتسيا تۋرالى» زاڭ جوباسىن ىلگەرىلەتۋ, سەناتتى جويۋ ماسەلەسى توڭىرەگىندەگى كوپجىلدىق پىكىرتالاستار, پارتيالىق تىزىمدەر بويىنشا سايلاۋدىڭ ارتىقشىلىقتارى جانە ت.ب.), سونداي-اق, قوعامدا تالقىلانىپ جاتقان كونستيتۋتسيالىق رەفورما ماسەلەلەرى بويىنشا ءوز پىكىرلەرىن ءبىلدىردى.
كونستيتۋتسيالىق رەفورماعا كوزقاراس: قوعامنىڭ پىكىرى قانداي؟
ۇلتتىق كەڭەس مۇشەلەرى جاڭا كونستيتۋتسيا جوباسىن ءبىراۋىزدان قولداپ, رەداكتسيالىق سيپاتتاعى بىرقاتار ۇسىنىستارىن ءبىلدىردى. بۇل ۇسىنىستار كونستيتۋتسيالىق كوميسسيانىڭ حاتشىلىعىنا جولداناتىن بولادى.