«قازگيدرومەت» سينوپتيكتەرى 3 اقپاندا ەل اۋماعىنداعى 15 وبلىستا قولايسىز مەتەوجاعدايعا بايلانىستى داۋىلدى ەسكەرتۋ جاريالادى.
سينوپتيكتەردىڭ بولجامىنا سايكەس, الماتى وبلىسىنىڭ سولتۇستىگىندە تۇندە كوكتايعاق بولىپ, ءوڭىردىڭ سولتۇستىگى, وڭتۇستىگى مەن تاۋلى ايماقتارىندا تۇمان تۇسەدى. كۇندىز وبلىستىڭ باتىسىندا جەل كۇشەيىپ, ەكپىنى سەكۋندىنا 15-20 مەترگە دەيىن جەتۋى مۇمكىن.
اتىراۋ وبلىسىنىڭ باتىسى, سولتۇستىگى جانە وڭتۇستىگىندە تۇمان مەن كوكتايعاق كۇتىلەدى. كۇندىز جەلدىڭ جىلدامدىعى سەكۋندىنا 15-20 مەترگە دەيىن ۇدەيدى. ال 4 اقپاندا وڭىردە كۇندىزگى اۋا تەمپەراتۋراسى 5-10 گرادۋس ايازعا دەيىن تومەندەسە, 5 اقپاندا تۇندە 17-22 گرادۋس سۋىق تىركەلىپ, اياز ودان ءارى كۇشەيەدى.
ماڭعىستاۋ وبلىسىنىڭ باتىسى, سولتۇستىگى جانە ورتالىعىندا كوكتايعاق پەن قويۋ تۇمان بولجانادى. كەي اۋدانداردا وڭتۇستىك-شىعىستان سوققان جەلدىڭ ەكپىنى سەكۋندىنا 15-20 مەتر بولادى. 5 اقپاندا وڭىردە تۇنگى جانە كۇندىزگى تەمپەراتۋرا 7-12 گرادۋس ايازعا دەيىن تومەندەيدى.
شىعىس قازاقستان وبلىسىندا قار جاۋىپ, جاياۋ بۇرقاسىن جۇرەدى, ال تۇنگى ۋاقىتتا كەي اۋدانداردا تۇمان تۇسەدى. اباي وبلىسىندا دا قارلى بوران كۇشەيىپ, جەلدىڭ ەكپىنى سەكۋندىنا 20 مەترگە دەيىن جەتۋى ىقتيمال.
جەتىسۋ وبلىسىنىڭ سولتۇستىگى مەن تاۋلى ايماقتارىندا بۇرقاسىن سوعىپ, جولداردا كوكتايعاق بولادى. قىزىلوردا وبلىسىنىڭ بىرقاتار اۋماعىندا تۇمان مەن كوكتايعاق كۇتىلەدى.
باتىس قازاقستان وبلىسىندا تۇندە قار جاۋىپ, بۇرقاسىنداتادى, كۇندىز جاۋىن-شاشىن ارالاس قار مەن جاڭبىر جاۋىپ, كوكتايعاق ءتۇسۋى مۇمكىن. 4 اقپاندا وڭىردە اۋا تەمپەراتۋراسى كۇرت تومەندەپ, كۇندىز 15-20 گرادۋس اياز بولادى.
قاراعاندى, اقتوبە, ۇلىتاۋ وبلىستارىندا قار, تۇمان جانە كوكتايعاق بولجانسا, تۇركىستان مەن جامبىل وبلىستارىنىڭ تاۋلى اۋداندارىندا قاتتى جاۋىن-شاشىن, بۇرقاسىن جانە جەلدىڭ كۇشەيۋى كۇتىلەدى. كەي جەرلەردە جەل ەكپىنى سەكۋندىنا 23 مەترگە دەيىن جەتۋى مۇمكىن.
سونداي-اق قوستاناي مەن اقمولا وبلىستارىندا تۇمان, قار جانە بۇرقاسىن جۇرەدى دەپ بولجاندى.
