ماجىلىستە وتكەن «AMANAT» پارتياسى فراكتسياسىنىڭ وتىرىسىندا دەپۋتات جاناربەك ءاشىمجانوۆ حالىق كەڭەسى كونستيتۋتسيالىق رەفورمالاردىڭ ەڭ ماڭىزدى ينستيتۋتتارىنىڭ ءبىرى ەكەنىن جانە قوعام مەن بيلىك اراسىنداعى سەنىمدى نىعايتۋدا شەشۋشى ءرول اتقاراتىنىن اتاپ ءوتتى, دەپ حابارلايدى Egemen.kz.
ونىڭ ايتۋىنشا, بۇل تەك ساياسي قۇرىلىم عانا ەمەس, سونىمەن قاتار قوعامدىق كەلىسىمدى قالىپتاستىرۋدىڭ جانە ۇلتتىق مۇددەلەردى قورعاۋدىڭ ءتيىمدى تەتىگى.
ول ءوز سوزىندە حالىق كەڭەسىنىڭ ەتنوسارالىق بىرلىكتى نىعايتۋ مەن قوعامدىق كەلىسىمدى قامتاماسىز ەتۋدەگى رولىنە ەرەكشە توقتالدى.
«حالىق كەڭەسى – بۇل جاي عانا فورمالدى كەڭەسشى ورگان ەمەس, ول ۇكىمەت باعدارلامالارىنا, زاڭ جوبالارىنىڭ تۇجىرىمدامالارىنا جانە وڭىرلىك دامۋ جوسپارلارىنا ناقتى ىقپال ەتەتىن ءتىرى مەحانيزم. كەڭەس ەتنومادەني بىرلەستىكتەردى, ازاماتتىق قوعام وكىلدەرىن, ساراپشىلار مەن بەلسەندى ازاماتتاردى بىرىكتىرىپ, تاۋەكەلدەردى ەرتە كەزەڭدە انىقتاۋعا, جەرگىلىكتى دەڭگەيدەگى قاقتىعىستاردىڭ الدىن الۋعا جانە ءبىرتۇتاس قازاقستاندىق بىرەگەيلىكتى نىعايتۋعا قىزمەت ەتەدى. حالىق كەڭەسى يدەيالاردى تالقىلاپ قانا قويماي, ناقتى شەشىمدەرگە اسەر ەتە الاتىن, مەملەكەتتىك ساياسات پەن قوعام مۇددەلەرىنىڭ ۇيلەسىمدىلىگىن قامتاماسىز ەتەتىن قۇرال بولۋى ءتيىس», دەپ اتاپ ءوتتى دەپۋتات.
وسىدان كەيىن جاناربەك ءاشىمجانوۆ حالىق كەڭەسىنىڭ وڭىرلەر ءۇشىن پراكتيكالىق ماڭىزىنا نازار اۋداردى. ونىڭ ايتۋىنشا, جول, اۋىز سۋ, جۇمىسپەن قامتۋ, ەكولوگيا جانە الەۋمەتتىك ينفراقۇرىلىم ماسەلەلەرىنىڭ ۋاقىتىلى شەشىلۋى ازاماتتاردىڭ بيلىككە دەگەن سەنىمىنە تىكەلەي اسەر ەتەدى.
قازاقستان حالىق پارتياسىنىڭ فراكتسياسى ەلدەگى كونستيتۋتسيالىق رەفورمانى قولدادى
سونداي-اق ول حالىق كەڭەسىنىڭ ءتيىمدى جۇمىسى ارقىلى عانا ۇسىنىستار ناقتى زاڭ جوبالارى مەن دەپۋتاتتىق باستامالارعا اينالىپ, حالىقتىڭ تۇرمىس ساپاسىن جاقسارتا الاتىنىن اتاپ ءوتتى.
اسحات راقىمجانوۆ: كونستيتۋتسيا – نورمالار تۋرالى اڭگىمە ەمەس
ءسوز سوڭىندا دەپۋتات حالىق كەڭەسىن ىشكى تۇراقتىلىقتى, ۇلتتىق بىرلىكتى جانە ازاماتتاردىڭ مەملەكەتتىك ينستيتۋتتارعا دەگەن سەنىمىن نىعايتۋعا باعىتتالعان كونستيتۋتسيالىق رەفورمالاردىڭ قوعامدىق جالعاسى رەتىندە سيپاتتادى.