ەلەنا رىباكينا الەمنىڭ ءۇشىنشى راكەتكاسى اتاندى

جەكەلەي رازرياد

قازاقستاننىڭ ءبىرىنشى راكەتكاسى ەلەنا رىباكينا Australian Open 2026 تۋرنيرىندەگى جەڭىسىنەن كەيىن رەيتينگتە بەسىنشى ورىننان ءۇشىنشى ورىنعا كوتەرىلدى. وسىلايشا ول مەلبۋرنداعى تۋرنيردە چەمپيون اتانعان ەل تاريحىنداعى العاشقى تەننيسشى اتاندى. ايتا كەتەيىك, ەلەنا رىباكينا ءوز مانسابىنداعى ەڭ ۇزدىك ناتيجەسىن قايتالادى. ول بۇل كورسەتكىشكە بۇعان دەيىن 2023 جىلى دا جەتكەن.

(سكرينشوت wtatennis.com سايتى)

سەنساتسيا: 17 جاستاعى قازاق تەننيسشىسى Australian Open ءتۋرنيرىنىڭ جارتىلاي فينالىنا شىقتى

يۋليا پۋتينتسەۆا ءوز ورنىن ايتارلىقتاي جاقسارتىپ, 24 ساتىعا كوتەرىلىپ, 70-ورىنعا جايعاستى. زارينا دياس بۇگىندە 282-ورىندا, بۇل ونىڭ الدىڭعى كورسەتكىشىنەن 8 ساتىعا جوعارى. جىبەك قۇلامباەۆا 3 ورىنعا تومەندەپ, 387-ورىنعا ءتۇستى.

الەمدىك رەيتينگتىڭ العاشقى ەكى ساتىسىن بۇرىنعىداي بەلارۋسيالىق ارينا سوبولەنكو مەن پولشالىق يگا شۆيونتەك ساقتاپ قالدى.

ەل تەننيسشىلەرىنىڭ الەمدىك رەيتينگى جاڭارتىلدى

جۇپتىق رازرياد

اننا دانيلينا 3 ساتىعا جوعارىلاپ, جۇپتىق رەيتينگتە 11-ورىنعا كوتەرىلدى.

ال العاشقى ۇشتىككە چەحيالىق كاتەرينا سينياكوۆا, امەريكالىق تەيلور تاۋنسەند, سونداي-اق ءۇشىنشى ورىندى ءبولىسىپ تۇرعان يتاليالىق جاسمين پاوليني مەن سارا ەرراني ەندى.

ەلىمىزدىڭ ۇزدىك تەننيسشىسى Australian Open تۋرنيرىندە قانشا تابىس تاپتى؟