«قازگيدرومەت» رمك 2 اقپاندا قازاقستاننىڭ توعىز قالاسىندا قولايسىز مەتەورولوگيالىق جاعدايلار كۇتىلەتىنىن مالىمدەدى. اتاپ ايتقاندا, پاۆلودار, وسكەمەن, سەمەي, ريددەر, اتىراۋ, اقتوبە, الماتى قالالارىندا, ال تۇنگى ۋاقىتتا قوستاناي مەن استانادا اۋا ساپاسى ناشارلايتىنى بولجانىپ وتىر, دەپ حابارلايدى Egemen.kz.
قولايسىز مەتەورولوگيالىق جاعدايلار – بۇل اتموسفەرانىڭ جەرگە جاقىن قاباتىندا زياندى (لاستاۋشى) زاتتاردىڭ جينالۋىنا ىقپال ەتەتىن قىسقا مەرزىمدى اۋا رايى فاكتورلارىنىڭ (تىنىق اۋا, ءالسىز جەل, تۇمان, تەمپەراتۋرالىق ينۆەرسيا) جيىنتىعى.
قمج كەزىندە ەلدى مەكەندەردە اتموسفەرالىق اۋانىڭ ساپاسى ناشارلاۋى مۇمكىن, بۇل تۇرعىنداردىڭ دەنساۋلىعىنا كەرى اسەرىن تيگىزەدى.
اۋانىڭ لاستانۋ دەڭگەيىنىڭ قالىپتاسۋىنا اسەر ەتەتىن نەگىزگى فاكتورلار – جەل, جاۋىن-شاشىن, اۋا ىلعالدىلىعى, اۋا تەمپەراتۋراسى.
سينوپتيكتەر ەسكەرتۋ جاريالادى: ەلىمىزدىڭ 12 قالاسىندا اۋا ساپاسى ناشارلايدى
قولايسىز مەتەورولوگيالىق جاعدايلار كەزىندە مىناداي شارالار ۇسىنىلادى:
- اشىق اۋادا, اسىرەسە اۆتوجولدار مەن باسقا دا لاستاۋ كوزدەرىنىڭ ماڭىندا جۇرمەۋ;
- بالالار مەن جۇكتى ايەلدەرگە ۇزاق سەرۋەندەۋدەن باس تارتۋ ۇسىنىلادى;
- وكپەنىڭ سوزىلمالى اۋرۋلارى, جۇرەك-قانتامىر جانە اللەرگيالىق اۋرۋلارى بار ادامدار اشىق اۋادا بولعان كەزدە قاجەتتى ءدارى-دارمەكتەرىن وزىمەن بىرگە الىپ ءجۇرۋى ءتيىس;
اۋادا فيزيكالىق جۇكتەمەنى شەكتەپ, دەنە شىنىقتىرۋمەن جانە سپورتپەن اينالىسۋدى جابىق سپورت نىساندارىندا جۇرگىزگەن ءجون.
اقپاننىڭ العاشقى كۇنى اۋا رايى قانداي بولادى؟