سينوپتيكتەر 2026 جىلعى 1 اقپاندا قازاقستاننىڭ 12 قالاسىندا اۋا لاستانۋىنىڭ جوعارى دەڭگەيى كۇتىلەتىنىن ەسكەرتتى, دەپ حابارلايدى Egemen.kz.
«قازگيدرومەت» تاراتقان مالىمەتكە سايكەس, 1 اقپاندا قوستاناي, كوكشەتاۋ, پاۆلودار, قاراعاندى, تەمىرتاۋ, وسكەمەن, سەمەي, ريددەر, اقتوبە, الماتى, استانا قالالارىندا, سونداي-اق تۇنگى ۋاقىتتا پەتروپاۆل قالاسىندا اۋانىڭ لاستانۋىنا ىقپال ەتەتىن قولايسىز مەتەورولوگيالىق جاعدايلار كۇتىلەدى.
قولايسىز مەتەورولوگيالىق جاعدايلار (قمج) — بۇل قىسقا مەرزىمدى مەتەورولوگيالىق فاكتورلاردىڭ (تىنىق اۋا, ءالسىز جەل, تۇمان, تەمپەراتۋرالىق ينۆەرسيا) جيىنتىعى. مۇنداي جاعدايلار اتموسفەرانىڭ جەرگە جاقىن قاباتىندا زياندى (لاستاۋشى) زاتتاردىڭ جينالۋىنا اكەلەدى.
قمج كەزىندە قالا تۇرعىندارىنا, اسىرەسە اۆتوكولىك جولدارى مەن باسقا دا لاستانۋ كوزدەرىنە جاقىن جەرلەردە, اشىق اۋادا بولۋ ۋاقىتىن قىسقارتۋ ۇسىنىلادى. ال وكپە, جۇرەك-قان تامىرلارى جانە اللەرگيالىق سوزىلمالى اۋرۋلارى بار ادامدارعا سىرتقا شىققان كەزدە وزدەرىنە قاجەتتى ءدارى-دارمەكتەردى بىرگە الىپ ءجۇرۋ قاجەت.
اقپاننىڭ العاشقى كۇنى اۋا رايى قانداي بولادى؟