مەملەكەت باسشىسىنىڭ باستاماسىمەن بولاشاق ۇرپاقتىڭ تابىسى جىل سايىن ارتىپ كەلەدى

جاستارعا باستاپقى تەڭ مۇمكىندىكتەردى بەرۋ مەملەكەتتىڭ باسىمدىققا يە مىندەتتەرىنىڭ ءبىرى. ال ۇلتتىق قوردا جيناقتالعان قاراجات جاس وتانداستارىمىزعا ەر جەتىپ, ۇلكەن ومىردەگى العاشقى قادامدارىن نىق سەنىممەن جاساۋعا جول اشۋى ءتيىس.

ايتا كەتەيىك, بيىل باعدارلاماعا 2008-2025 جىلدار ارالىعىندا تۋعان 6 918 656 بالا قاتىسقان. وسىنى ەسكەرە وتىرىپ, 2026 جىلى باعدارلامانىڭ اياسىندا ءار قاتىسۋشىعا 130,71 دوللاردان اۋدارىلدى.

وسى جىلى 356 613 بالا كامەلەت جاسقا تولىپ, ولارعا جيىنتىق مولشەرىندە 44,5 ملن دوللار اۋدارۋ كوزدەلگەن.

باعدارلاما ىسكە قوسىلعان ساتتەن باستاپ وعان قاتىساتىن بالالار ءۇشىن ءۇش جىلداعى (2024-2026 جىلدار) ينۆەستيتسيالىق كىرىستى ەسكەرە وتىرىپ, جيناقتالعان قاراجاتتىڭ جالپى سوماسى ارقايسىسىنا 370,56 دوللاردان كەلەدى.

ۇلتتىق قوردان 6,9 ملن بالانىڭ شوتىنا 130 دوللاردان ءتۇستى

«ۇلتتىق قور – بالالارعا» جوباسىنا سايكەس جينالاتىن اقشا ومىردەگى ماڭىزدى الەۋمەتتىك مىندەتتەردى شەشۋگە پايدالانىلادى. ماسەلەن, قاراجاتتىڭ نەگىزگى بولىگى (19,7 ملن دوللار) 127 446 ماقۇلدانعان ءوتىنىم بويىنشا تۇرعىن ءۇي جاعدايىن جاقسارتۋعا باعىتتالدى. تاعى دا 11,9 ملن دوللار 78 060 ءوتىنىم بويىنشا بالالاردىڭ ءبىلىم الۋعا بايلانىستى قاجەتتىلىكتەرىنە جۇمسالدى.

اۋدارىمداردى تەكسەرۋ مەن قاراجاتتى پايدالانۋ جولدارى

باعدارلاما تەتىگى تسيفرلاندىرىلعان جانە بارىنشا اشىق. اتا-انالار ءوز بالاسىنىڭ جۇيەدە بار-جوعى مەن جيناق قاراجاتىن بىرنەشە تاسىلمەن تەكسەرە الادى:

مامانداندىرىلعان kids.enpf.kz سايتى (بالانىڭ جسن بويىنشا) ارقىلى; eGov.kz پورتالىنداعى جەكە كابينەتى ارقىلى; Halyk, Kaspi.kz جانە Bcc.ءkz موبيلدى قوسىمشالارى ارقىلى.

سونىمەن قاتار قارجى مينيسترلىگى بالا 18 جاسقا تولعاندا جينالعان سوما بجزق-داعى ارنايى شوتقا اۋدارىلىپ, جيناقتاردى ەلەكتروندى تسيفرلى قولتاڭبانىڭ (ەتسق) كومەگىمەن تەك الۋشىنىڭ ءوزى عانا كورە الاتىنى ەسكەرتتى. 

ۇلتتىق قوردان بەرىلەتىن تولەمدەر: بالالاردىڭ شوتىنداعى قورىتىندى سوما 370 دوللاردى قۇرادى

تۇرعىن ۇيگە نەمەسە وقۋدىڭ اقىسىنا قاراجات جىبەرۋ ءۇشىن قاراجات يەسىنە ۋاكىلەتتى وپەراتورلار ارقىلى ءوتىنىم بەرۋ جەتكىلىكتى. «ۇلتتىق قور – بالالارعا» باعدارلاماسى اياسىندا ارىپتەستىك ماقساتتا جۇمىس ىستەيتىن «وتباسى بانك» پەن Halyk Bank قاتارىنا 2025 جىلدىڭ ورتاسىنان باستاپ جاڭا سەرىكتەس – «تسەنتركرەديت بانكى» قوسىلىپ, جاستاردىڭ تاڭداۋ مۇمكىندىگى كەڭەيگەنىن ايتا كەتكەن ورىندى.