ۇلتتىق بانك مەملەكەت باسشىسىنىڭ باستاماسىمەن ىسكە قوسىلعان «ۇلتتىق قور – بالالارعا» باعدارلاماسى بويىنشا 18 جاسقا (قوسا العاندا) دەيىنگى بالالارعا ارنالعان كەزەكتى نىسانالى تالاپتاردىڭ بجزق-عا ەسەپتەلگەنىن مالىمدەدى. «ۇلتتىق قور – بالالارعا» باعدارلاماسى اياسىندا 2025 جىلدىڭ قورىتىندىسى بويىنشا ءار بالانىڭ شوتىنا 130,71 دوللاردان ەسەپتەلدى. 2025 جىلدىڭ سوڭىندا باعدارلاماعا قاتىسۋشى بالا سانى 6 918 656 بولدى, دەپ حابارلايدى Egemen.kz.
«ۇلتتىق قور – بالالارعا» باعدارلاماسى 2024 جىلى 1 قاڭتاردا ىسكە قوسىلدى. 2024 جىلى ءار بالاعا 100,52 دوللاردان بولىنگەن بولاتىن. 2025 جىلى 129,38 دوللار ەسەپتەلدى.
بالالارعا ەسەپتەلەتىن سوما جىل سايىن ۇلتتىق قوردىڭ ۇزاق مەرزىمدى ينۆەستيتسيالىق تابىسىنىڭ جارتىسىنان جانە قورداعى ۆاليۋتا اكتيۆتەرىنىڭ كولەمىنە قاراي قالىپتاسادى. سونىمەن قاتار الدىڭعى جىلدارى بالالار شوتىنا ەسەپتەلگەن قاراجات بالا 18 جاسقا تولعانعا دەيىن ۇلتتىق قور پورتفەلىندە ينۆەستيتسيالانا بەرەدى, سول ارقىلى قوسىمشا تابىس اكەلەدى.
ۇلتتىق قوردان 6,9 ملن بالانىڭ شوتىنا 130 دوللاردان ءتۇستى
ينۆەستيتسيالىق تابىستىڭ كولەمىن ەسكەرگەندە, ءۇش جىلدان بەرى باعدارلاما ىسكە اسقالى جيناقتالعان جالپى سوما ءبىر بالاعا 370,56 دوللاردى قۇرادى. ءتيىستى اقپاراتپەن ەلەكتروندى ۇكىمەتتىڭ eGov ءmobile موبيلدى قوسىمشاسىندا جانە kids.enpf.kz سايتىندا تانىسۋعا بولادى.