جاريالانعان جاڭا كونستيتۋتسيا جوباسىنىڭ پرەامبۋلاسىندا ادام قۇقىقتارى مەن بوستاندىقتارى العاش رەت مەملەكەتتىڭ نەگىزگى باسىمدىعى رەتىندە جاريالاندى. بۇل يدەيا كونستيتۋتسيانىڭ بۇكىل ماتىنىندە كورىنىس تابادى, دەپ حابارلايدى Egemen.kz.
كونستيتۋتسيانىڭ «نەگىزگى قۇقىقتار, بوستاندىقتار جانە مىندەتتەر» ءبولىمىنىڭ نورمالارىن ازىرلەۋ كەزىندە ادام قۇقىقتارىنىڭ جالپىعا بىردەي دەكلاراتسياسى, قازاقستان تاراپىنان راتيفيكاتسيالانعان حالىقارالىق پاكتىلەر مەن باسقا دا جالپىعا بىردەي تانىلعان حالىقارالىق قۇجاتتاردىڭ تالاپتارى بارىنشا ەسكەرىلدى. سونىڭ ناتيجەسىندە ادام مەن ازاماتتىڭ جەكە, الەۋمەتتىك-ەكونوميكالىق جانە ساياسي قۇقىقتارىنىڭ مازمۇنى تولىقتىرىلىپ, ولاردىڭ جاڭا قىرلارى اشىلدى. ولاردىڭ ىسكە اسىرىلۋى مەن قورعالۋىنا بەرىلگەن كەپىلدىكتەر ايتارلىقتاي نىعايتىلدى.
جاڭا كونستيتۋتسيادا ادامنىڭ نەگىزگى قۇقىقتارىن قورعاۋعا باسىمدىق بەرىلگەن. مىسالى, ءومىر ءسۇرۋ قۇقىعىنىڭ ابسوليۋتتىلىگى, جەكە تۇلعاعا قول سۇقپاۋشىلىق, تسيفرلىق داۋىردە جەكە دەرەكتەردى قورعاۋ, سونداي-اق «ميراندا ەرەجەسى» بەكىتىلگەن.
ادىلەتتى قازاقستان, زاڭ مەن ءتارتىپ, تابيعاتقا ۇقىپتى قاراۋ جاڭا كونستيتۋتسيا پرەامبۋلاسىنان كورىنىس تاپتى
سونىمەن قاتار, جوبا ءسوز بوستاندىعى, عىلىمي, تەحنيكالىق جانە شىعارماشىلىق ەركىندىك, ينتەللەكتۋالدىق مەنشىك قۇقىقتارىن قورعاۋ ماسەلەلەرىن قامتيدى.
بۇدان بولەك, ايەلدەر مەن بالالاردىڭ قۇقىقتارىن قورعاۋ ماسەلەسىنە ەرەكشە نازار اۋدارىلعان. ماسەلەن, ءدىن مەن مەملەكەتتىڭ ءبولىنۋ قاعيداتى بەكىتىلگەن. رۋحاني جانە ءدىني وقۋ ءبىلىم بەرۋ ۇيىمدارىن قوسپاعاندا, ءبىلىم بەرۋ مەن تاربيە جۇيەسىنىڭ زايىرلى سيپاتى جاريالانادى,
سونىمەن قاتار, نەكە – ەر مەن ايەلدىڭ ەرىكتى جانە تەڭ قۇقىقتى وداعى دەگەن ەرەجە ەنگىزىلگەن. بۇل كوزقاراس ايەلدەردىڭ قۇقىقتارىن قورعاۋدى جانە ءداستۇرلى قۇندىلىقتاردى نىعايتۋعا باعىتتالعان.
«نەكە – ەر مەن ايەل وداعى»: كونستيتۋتسيادا وتباسى ۇعىمىن كۇشەيتۋ ۇسىنىلدى
كونستيتۋتسيا جوباسى – جارتى جىل بويى اتاقتى زاڭگەرلەردىڭ, ساراپشىلار قاۋىمداستىعى مەن دەپۋتاتتاردىڭ اتقارعان قاجىرلى ەڭبەگىنىڭ ناتيجەسى. اتا زاڭعا ەنگىزىلگەن ۇسىنىستار بارلىق بولىمدەردى جانە 77 باپتى قامتىدى, ياعني ءماتىننىڭ 84%-ىن قۇرايدى.