قوستاناي وبلىستىق اۋرۋحاناسىنىڭ پەريناتالدىق ورتالىعىندا ۇشەم دۇنيەگە كەلدى. ءسۇيىنشى حاباردى جەتكىزگەن دارىگەرلەردىڭ ايتۋىنشا, بۇل – وڭىردە سوڭعى 3 جىل ىشىندە تۋعان العاشقى ۇشەم, دەپ حابارلايدى Egemen.kz.
ۇشەمدەردىڭ ۇشەۋى دە – قىز بالا. ال نارەستەلەردىڭ اناسى – 31 جاستا. قوستاناي اۋدانىندا تۇراتىن شاراپيەۆتەر وتباسى ءۇش ۇل تاربيەلەپ وتىرعان. ەندى, مىنە ءوسىپ كەلە جاتقان ءۇش ۇلدان كەيىن ءۇش قىز بالا ومىرگە كەلىپ, شاڭىراقتارى شاتتىققا كەنەلىپ جاتىر.
شىمكەنتتە ۇشەم دۇنيەگە كەلدى
جاڭا تۋعان نارەستەلەردىڭ سالماعى – 2300 – 2600 گرامم بولادى. بويلارى – 49 سم. وبلىستىق اۋرۋحانا دارىگەرلەرى ۇشەمنىڭ اناسىنىڭ دەنساۋلىعى جاقسى, بالالاردىڭ جاعدايى قاناعاتتانارلىق دەيدى.
بۇعان دەيىن اقتوبە, قىزىلوردا وبلىستارىندا ۇشەم دۇنيەگە كەلگەنىن حابارلاعانبىز.
قوستاناي وبلىسى