ۇلىتاۋ وبلىسىندا جاس سپورتشىلار اراسىنداعى ۇستەل تەننيسىنەن قازاقستان رەسپۋبليكاسى چەمپيوناتى ءوز جالاۋىن كوتەردى. اتالعان دودا وڭىردە تۇڭعىش رەت ۇيىمداستىرىلىپ وتىر, دەپ حابارلايدى Egemen.kz.
رەسپۋبليكالىق جارىسقا ەلىمىزدىڭ بارلىق وڭىرىنەن 2011 جىلى تۋعان جانە ودان كىشى جاستاعى 200-دەن استام جاس سپورتشى قاتىسۋدا.
چەمپيوناتقا بارلىعى 18 كوماندا جينالىپ, ءوزارا مىقتىنى انىقتايدى. ۇستەل تەننيسىنەن ەل بىرىنشىلىگى 27 قاڭتار مەن 1 اقپان ارالىعىندا وتەدى.
ۇستەل تەننيسىنەن الەم چەمپيوناتى: قازاقستاننىڭ قارسىلاستارى كىمدەر؟
سپورتتىق شارانىڭ اشىلۋ سالتاناتىنا ۇلىتاۋ وبلىسى اكىمىنىڭ ورىنباسارى زينا اقىلبەكوۆا قاتىسىپ, جاس سپورتشىلارعا ساتتىلىك تىلەدى.
ء«ىس-شارانىڭ ءدال ءبىزدىڭ وڭىردە ءوتۋى – ءبىز ءۇشىن ۇلكەن جەتىستىك. بىلتىر وبلىس ورتالىعىندا زاماناۋي سپورت كەشەنى پايدالانۋعا بەرىلدى. وسىنداي اۋقىمدى جارىستاردى جاڭا ينفراقۇرىلىمدا وتكىزۋ بولاشاق سپورتشىلاردىڭ شەبەرلىگىن شىڭداۋعا, سپورتتى دامىتۋعا سەرپىن بەرەدى. ۇستەل تەننيسىنەن ءوتىپ جاتقان بۇل چەمپيوناتتىڭ باستى ماقساتى – جاسوسپىرىمدەر اراسىندا بۇقارالىق سپورتتى دامىتۋ, دارىندى سپورتشىلاردى انىقتاۋ جانە ولاردىڭ كاسىبي دەڭگەيدە وسۋىنە جول اشۋ», دەدى ۇلىتاۋ وبلىسى دەنەشىنىقتىرۋ جانە سپورت باسقارماسىنىڭ باسشىسى مارات ايداشەۆ.
رەسپۋبليكالىق چەمپيونات جاس سپورتشىلار ءۇشىن تاجىريبە الماسۋ الاڭىنا اينالىپ, ەلىمىزدەگى ۇستەل تەننيسىنىڭ دامۋىنا ۇلەس قوسادى.
الەكساندر بۋبليك الەمدەگى ەڭ ۇزدىك 10 تەننيسشىنىڭ قاتارىنا ەندى