قازاقستاندىقتار مەن دوستاستىق ەلدەرىنىڭ وكىلدەرى ەلباسىمىزدى قۇتتىقتاۋدا
مەملەكەت باسشىسىنىڭ اتىنا قۇتتىقتاۋ حاتتارى كوپتەپ تۇسۋدە. قازاقستان رەسپۋبليكاسىنداعى رەسمي ادامدار, ازاماتتار مەن ۇيىمدار وزدەرىنىڭ حاتتارى مەن جەدەلحاتتارىندا پرەزيدەنت نۇرسۇلتان ءابىش ۇلى نازارباەۆتى مەرەيجاسىمەن جانە مەملەكەتتىك مەرەكە – ەلوردا كۇنىمەن قۇتتىقتايدى.
بەلگىلى قازاقستاندىقتار پرەزيدەنتتى شىن جۇرەكتەن قۇتتىقتاپ, يگى تىلەكتەرىن ءبىلدىرىپتى. ارميا گەنەرالى, كەڭەس وداعىنىڭ باتىرى, حالىق قاھارمانى ساعادات نۇرماعامبەتوۆ ءوز جەدەلحاتىندا: ء“سىزدى مەرەيجاسىڭىزبەن شىن جۇرەكتەن قۇتتىقتاۋىمدى قابىل العايسىز! زور دەنساۋلىق, ۇزاق عۇمىر جانە ەلىمىزدى العا جەتەلەي بەرۋىڭىزدى تىلەيمىز”, – دەپ جازادى.
وسىنداي مازمۇنداعى حاتتار مەن جەدەلحاتتاردى جولداۋشىلاردىڭ اراسىندا كەڭەس وداعىنىڭ باتىرى, وسكەمەندىك پاۆەل كولتسوۆ جانە سوتسياليستىك ەڭبەك ەرلەرى: قوستانايدان كامشات دونەنباەۆا, اقمولا وبلىسىنان يبراگيم جانعورازوۆ, شىعىس قازاقستان وبلىسىنان قازىبەك دەمەۋباەۆ, شىمكەنتتەن اۋەسحان سالىقباەۆ بار. ء“بىز, ۇلى وتان سوعىسىنا قاتىسۋشىلار, بۇرىنعى فاشيستىك لاگەرلەردىڭ تۇتقىندارى جانە تىل ەڭبەككەرلەرى ءسىزدى تۋعان كۇنىڭىزبەن قۇتتىقتاپ, دەنىڭىزگە ساۋلىق, باسىڭىزعا اماندىق تىلەيمىز, – دەپ جازادى بۇرىنعى فاشيستىك لاگەرلەردىڭ زاردابىن تارتقان 83 جاستاعى نينا ەۆاكوۆسكايا اقمولا وبلىسىنان. – جەڭىستىڭ 65 جىلدىعىنا وراي كورسەتكەن ماتەريالدىق كومەگىڭىزگە شەكسىز ريزاشىلىعىمىزدى بىلدىرەمىز”.
قازاقستاندىق سوعىس ارداگەرلەرى مەن تىل ەڭبەككەرلەرى وزدەرى جولداعان حاتتارىندا پرەزيدەنتكە رەسپۋبليكا حالقىنىڭ الەۋەتىن ارتتىرۋعا باعىتتالعان ساياساتى ءۇشىن زور العىستارىن بىلدىرەدى. ولاردىڭ قاتارىندا الماتى وبلىسىنىڭ قۇرمەتتى ازاماتى بەكبولات تۇرىسجانوۆ, شىعىس قازاقستان وبلىسى, اباي اۋدانى ارداگەرلەر كەڭەسىنىڭ توراعاسى مارات قۇرمانبەك ۇلى, ەكىباستۇزدان س.كۋرجەي, شىعىس قازاقستان وبلىسى, جارما اۋدانىنداعى سوعىس جانە ەڭبەك ارداگەرلەرى كەڭەسىنىڭ مۇشەسى س.جىلقىباەۆ, استانادان زەينەتكەر وتباسى اتىنان جەڭىس عابدۋللين, تۇركىستاننان زەينەتكەر ءابىلداحان شويمانوۆ قاتارلى ەل ازاماتتارى بار. پرەزيدەنتتىڭ اتىنا اتىراۋ وبلىسىنان ايعان داۋلەشەۆتەن حات كەلدى.
ونەر سالاسىنىڭ قىزمەتكەرلەرىنەن كوپتەگەن قۇتتىقتاۋ حاتتارى مەن جەدەلحاتتار كەلىپ ءتۇستى. الماتىدان بەلگىلى ءارتىس تۇڭعىشباي جامانقۇلوۆ: “قازاق ەلىنىڭ باعىنا كەلگەن ۇلت پەرزەنتى ەكەنىڭىزدى سەزىنۋ بىزدەر ءۇشىن زور باقىت ءارى ماقتانىش. الەم مويىنداعان اقىلمان ەلباسى, ءوز ەلىمىز ەرەكشە سۇيىسپەنشىلىكپەن ۇكىلەگەن ۇلت كوشباسشىسى مارتەبەلەرى – قازاقستان جۇرتىنىڭ مەرەيى”, – دەپ جازادى.
وزدەرى جولداعان جەدەلحاتتار مەن حاتتارىندا مەملەكەت باسشىسىن الماتىدان قازاقستان رەسپۋبليكاسىنىڭ حالىق ءارتىسى سارا تىنىشتىعۇلوۆا, سەمەيدەن ف.دوستوەۆسكي اتىنداعى مەملەكەتتىك ورىس دراما تەاترىنىڭ ديرەكتورى يا.گورەلنيك قۇتتىقتايدى. وسى قالادان ابايدىڭ مەملەكەتتىك تاريحي-مادەني جانە ادەبي-مەموريالدىق قورىق-مۇراجايى ۇجىمىنان قۇتتىقتاۋ جەدەلحاتى كەلدى.
نۇرسۇلتان ءابىش ۇلى نازارباەۆتى قازاقستاندىق كاسىپورىنداردىڭ ۇجىمدارى مەن باسشىلارى قۇتتىقتاعان. ولاردىڭ قاتارىندا سەمەي قالاسىنان “جيناقتاۋ تەمىر-بەتون ءوندىرىستىك بىرلەستىگى” جشس جۇمىسشىلارى مەن وسى اق-تىڭ باسقارما توراعاسى, سەمەي قالاسىنىڭ قۇرمەتتى ازاماتى, حالىق قاھارمانى اكيم اتماچيدي, “رىسباەۆ جانە ك” جشس ۇجىمى, “قازاكەي-نك” جشس قۇرىلتايشىلارى ۆ.شەگاي, ب.ماتجان, ر.پيرمانوۆ, شىعىس قازاقستان وبلىسىنان “اگروفيرما پريرەچنوە” جشس جۇمىسشىلارى, سونداي-اق “اتامەكەن” وداعى” ۇلتتىق ەكونوميكالىق پالاتاسى بار.
“استانا – بۇل تاۋەلسىز قازاقستاننىڭ سيمۆولى, ونىڭ جاستىعىنىڭ, العا ۇمتىلۋىنىڭ, پەرسپەكتيۆاسىنىڭ بەت-بەينەسى. استانا – بۇل جاڭا باستامالار مەن ارمانداردىڭ قالاسى, ىسكەر دە ارمانى بيىك جاس قازاقستاندىقتاردىڭ قالاسى, – دەلىنگەن “سەمەي اۆتوجيناقتاۋ زاۋىتى” جشس ۇجىمىنىڭ حاتىندا. – ءسىزدى, قۇرمەتتى نۇرسۇلتان ءابىش ۇلى, ءبارى دە انىعىندا ەلوردانىڭ باس ساۋلەتشىسى دەپ ەسەپتەيدى”.
پرەزيدەنت پوشتاسىنا عىلىم مەن ءبىلىم سالاسىنىڭ قىزمەتكەرلەرىنەن قۇتتىقتاۋ حات-حابارلارى كوپتەپ كەلۋدە. “كوپ ۇلتتى رەسپۋبليكادا ادامدار ءبىر وتباسى سياقتى – بەيبىتشىلىك پەن دوستىقتا ءومىر سۇرۋدە. ءسىزدىڭ باسشىلىعىڭىزدىڭ ارقاسىندا ءبىز الەمدىك قارجىلىق-ەكونوميكالىق داعدارىستى ەڭسەردىك, – دەپ جازادى قىزىلوردادان كسرو حالىق مۇعالىمى تولەپبەرگەن قاسىموۆ. – ەلىمىز دامي تۇسۋدە جانە نىعايىپ كەلەدى. سونداي-اق ءسىز جاڭا ەلوردانى تۇرعىزدىڭىز. ادەمى قالا ءۇشىن سىزگە راحمەت!”
نۇرسۇلتان ءابىش ۇلى نازارباەۆتى الماتىدان عالىمدار قۇتتىقتادى, ولاردىڭ قاتارىندا اكادەميك قۇربان اماننيازوۆ, كسرو قۇرمەتتى مۇنايشىسى, اكادەميك نادير ناديروۆ, پروفەسسور ەلىمحان ەرمەكباەۆ, تەحنيكا عىلىمدارىنىڭ كانديداتى الەمبەك جۇمابەكوۆ, سونداي-اق اقتاۋدان گۇلبانۋ شامشادينوۆا مەن شىعىس قازاقستان وبلىسى, بورودۋليحا اۋدانى, كوماروۆ اتىنداعى ورتا مەكتەپتىڭ ۇستازدار ۇجىمى بار.
شىعىس قازاقستان وبلىسى, گلۋبوكوە اۋدانىنىڭ مۇعالىمدەرى بىلاي دەپ جازادى: ء“سىزدىڭ دانا ساياساتىڭىزدىڭ ارقاسىندا, گلۋبوكوە اۋدانىندا بالالاردى مەكتەپكە دەيىنگى تاربيەمەن جانە وقۋمەن قامتاماسىز ەتۋ جونىندەگى “بالاپان” باعدارلاماسى جۇزەگە اسىرىلا باستادى. 2010 جىلعى 1 قىركۇيەكتەن باستاپ, اۋداندا 12 شاعىن ورتالىق پەن بالاباقشا كەشەنى ىسكە قوسىلاتىن بولادى”.
اقورداعا قۇتتىقتاۋلار ەلىمىزدىڭ ءارتۇرلى ۇلتتىق-مادەني بىرلەستىكتەرىنەن كەلىپ ءتۇسىپ جاتىر. ولاردىڭ اراسىندا پاۆلوداردان جەدەلحات جولداعان “ەلبرۋس” ەتنومادەني بىرلەستىكتىڭ باسقارما ءتورايىمى ماريا بايرامقۇلوۆانى, شىعىس قازاقستان وبلىسى, شەمونايحا كەنتىنەن نەمىس ورتالىعىنىڭ مۇشەسى نينا بيۋحەرتتى اتاپ وتۋگە بولادى.
“سىزگە, نۇرسۇلتان ءابىش ۇلى, قازاق حالقىنىڭ ۇلى پەرزەنتىنە, ءXXى جۇزجىلدىقتا قازاقستان تاريحىن قۇرۋ باقىتى بۇيىرعان, – دەپ جازادى “قازاقستانداعى ۇيعىرلار رەسپۋبليكالىق ورتالىعى” اق توراعاسى احمەتجان شاردينوۆ. – ءبىز, قازاق نەمەسە كارىس بولسىن, ورىس نەمەسە ۇيعىر بولسىن, يا بولماسا وزبەك نەمەسە ەۆرەي بولسىن, ول ماڭىزدى ەمەس, بارلىق قازاقستاندىقتاردىڭ تابىستارىنا قۋانامىز. ءبىزدىڭ ءبارىمىز دە قازاقستان رەسپۋبليكاسىنىڭ ازاماتتارىمىز جانە ءسىز – ءبىزدىڭ پرەزيدەنتىمىزسىز!”
كوپتەگەن حاتتار مەن جەدەلحاتتار نۇرسۇلتان نازارباەۆتىڭ اتىنا مىنا تومەندەگى قازاقستاندىقتاردان كەلىپ ءتۇستى – تارازدان گ.مۇساشەۆ, قاراعاندىدان باقىت جاكىشەۆا مەن جاسۇزاق سۇلتانبەكوۆ, ورالدان ەميليا مەن ايجان دىنىشەۆالار, شىعىس قازاقستان وبلىسىنان ايجۇلدىز تىلەيلەسوۆا. پرەزيدەنتتى الماتىدان – يسا تۇمانوۆ, جاقسىباي ءبازىلباەۆ, ەسبولعان تەگىسبوت ۇلى, يسمايلوۆتار وتباسى, ءزايتۇن جاندوسوۆا, بيجامال رامازانوۆا قۇتتىقتادى.
“ەلىمىزدىڭ گۇلدەنۋى مەن بەيبىتشىلىكتىڭ, ونىڭ ينتەللەكتۋالدىق جانە عىلىمي الەۋەتىنىڭ, قازاقستاندىقتاردىڭ ءومىر ءسۇرۋ ساپاسىن ارتتىرۋدىڭ كەپىلى بولا بەرىڭىز”, – دەلىنگەن الماتىدان جولدانعان روزا داۋىلباەۆا مەن رۇستەم بياشەۆتىڭ جەدەلحاتىندا.
قۇتتىقتاۋ حاتتارى مەن جەدەلحاتتارىن قاراعاندىدان نادەجدا ۆاسيلەۆا, تالدىقورعاننان ارالباەۆتار وتباسى, سەمەيدەن گۇلنار يسماعۇلوۆا, تارازدان جاناحمەتوۆتەر, پەتروپاۆلدان يسكاكوۆتار, ارالدان قۇرالاي مەڭدىقۇلوۆا, نۇرگۇل, تالدىقورعاننان باقىتجامال انا مەن ونىڭ بالالارى جولداپتى. مەملەكەت باسشىسىنا تۇركىستاننان حات جولداعان شايىقبەك قۇدايبەرگەنوۆ وزىندەگى ۇلكەن قۋانىشتى – 6 شىلدەدە ومىرگە كەلگەن سابيگە پرەزيدەنتتىڭ قۇرمەتىنە – نۇرسۇلتان دەپ ەسىم بەرگەنىن قۋانىشپەن جازادى.
ورالدان ل.توكاشيلوۆا, الماتىدان نادەجدا تەسليۋك, ەكىباستۇزدان اننا پاستۋشەنكو, قىزىلوردادان حانزادا قۇنانقاراەۆ وزدەرى جولداعان قۇتتىقتاۋلارىن جىر جولدارىمەن كەستەلەگەن.
سونداي-اق پرەزيدەنتتى استانادان كەڭەسحان جانعۇرشىقوۆ, الماتى وبلىسىنان ماقپال مۇقانبەكوۆا, الماتىدان قايىم مۇحامەدحانوۆتار وتباسى, اسقار تالقانباەۆ, ساكەنوۆتەر, اقتوبەدەن بەكجان ەسىركەپوۆ, اجەن قانبيبي, اسىلمۇرات تۇرعانبەك ۇلى, نايليا وتەباەۆا, كوكشەتاۋدان ليۋبوۆ ماكەتيە, قابيرا ساقىپوۆا, وڭتۇستىك قازاقستان وبلىسىنان پۋلات تۇرمانوۆ, قاراعاندى وبلىسىنان باعلان وتەپبەرگەنوۆ, قاراعاندىدان مارات نازارباەۆ, تارازدان بەزىلبەكوۆتەر, سونداي-اق تالدىقورعاننان كاربوز ورىنبەك قۇتتىقتادى.
مەملەكەت باسشىسىنىڭ اتىنا رەسەي فەدەراتسياسىنان كوپتەگەن قۇتتىقتاۋ جەدەلحاتتار كەلىپ ءتۇستى.
ەۆگەني پريماكوۆ ءوزىنىڭ جەدەلحاتىندا قازاقستان پرەزيدەنتىنىڭ داۋسىز ماقتان ەتۋگە بولاتىن ساڭلاق كوشباسشىلار قاتارىنا جاتاتىنىن اتاپ ءوتىپتى. ء“بىزدىڭ حالىقتارىمىزدىڭ تاۋەلسىز مەملەكەتتەر دوستاستىعى اياسىندا تىعىز ينتەگراتسياعا ۇمتىلۋى ءسىزدىڭ اتىڭىزبەن تىكەلەي بايلانىستى. ءسىزدىڭ كۇش-جىگەرىڭىزبەن تاريحي, جالپىادامزاتتىق ءمانى بار ەۋرازيا قوعامداستىعى فورمۋلاسى ومىرگە ەنگىزىلۋدە”, – دەپ جازادى ول.
رەسەي فەدەراتسياسى پرەزيدەنتىنىڭ كەڭەسشىسى ۆيكتور چەرنومىرديننىڭ قۇتتىقتاۋ جەدەلحاتىندا نۇرسۇلتان نازارباەۆتىڭ كوپ جىلدىق جەمىستى ەڭبەگى الەمنىڭ تۇكپىر-تۇكپىرىندەگى ميلليونداعان ادامداردى ءتانتى ەتكەنى ايتىلادى. ء“سىزدىڭ كۇش-جىگەرىڭىز ءوزىڭىز نەگىزىن سالعان قازاقستاننىڭ مۇددەسىنە, بەيبىتشىلىكتى نىعايتۋ ىسىنە, تاتۋ كورشىلىك پەن سەنىمدى سەرىكتەستىك قاتىناستاردى دامىتۋعا, قىزمەتتىڭ بارلىق سالاسى بويىنشا حالىقارالىق ارىپتەستىكتى كەڭەيتۋگە قالتقىسىز قىزمەت ەتىپ كەلەدى”, – دەلىنگەن جەدەلحاتتا.
“روسنانوتەح” مەملەكەتتىك كورپوراتسياسىنىڭ باس ديرەكتورى اناتولي چۋبايس ءوزىنىڭ قۇتتىقتاۋىندا پرەزيدەنت نازارباەۆتىڭ ارقاسىندا رەسەي كوپتەگەن سالا بويىنشا اۋقىمدى جوبالاردى جۇزەگە اسىرۋدا سەنىمدى سەرىكتەس جانە ادال دوس تاۋىپ وتىرعانىنا توقتالا كەلە: “رەسەيلىك نانوتەحنولوگيالار كورپوراتسياسىندا ءبىز جالپى بيۋدجەتى 3 ملرد. ءرۋبلدى قۇرايتىن رەسەيلىك-قازاقستاندىق ەنشىلەس قورىن قۇرۋعا ۋاعدالاسا وتىرىپ, يننوۆاتسيا سالاسىنداعى ىنتىماقتاستىعىمىزدى دامىتۋعا ۇلەس قوسا العانىمىز ءۇشىن ماقتانامىز. قور قىزمەتى ءبىزدىڭ ەلدەرىمىز ەكونوميكاسىنىڭ جەدەلدەتىلگەن جاڭارۋىن قامتاماسىز ەتەدى”, – دەپ جازىپتى.
“روساتوم” مەملەكەتتىك كورپوراتسياسىنىڭ باس ديرەكتورى س.ۆ.كيريەنكو نۇرسۇلتان نازارباەۆتى مەرەيجاسىمەن قۇتتىقتاپ, جەمىستى ەڭبەك ەتۋىن جانە ويعا العان بارشا جوسپارىنىڭ ورىندالۋىن تىلەيتىنىن ءبىلدىرىپتى.
ء“الى دە ۇزاق جىلدار بويى كۇش-جىگەرىڭىزدىڭ, قايراتىڭىزدىڭ جانە شىعارماشىلىق الەۋەتىڭىزدىڭ سارقىلماۋىن تىلەيمىن”, – دەپتى قازاقستان كوشباسشىسىنا جولداعان ءوزىنىڭ قۇتتىقتاۋ جەدەلحاتىندا رەسەي جيناقبانكىنىڭ باسقارما توراعاسى جانە پرەزيدەنتى گەرمان گرەف.
پرەزيدەنت ن.نازارباەۆتى مەرەيجاسىمەن “گازپروم” ااق باسقارماسى اتىنان ا.ب.ميللەر قۇتتىقتادى. “گازپرومنىڭ” باسقارما توراعاسى رەسەي فەدەراتسياسى مەن قازاقستان رەسپۋبليكاسىنىڭ گاز سالاسىنداعى ەكى جاقتى ءتيىمدى سەرىكتەستىگى ودان ءارى تابىستى دامي بەرەتىنىنە جانە نىعايا تۇسەتىنىنە سەنىم ءبىلدىرىپتى.
باشقۇرتستان رەسپۋبليكاسىنىڭ پرەزيدەنتى م.راحيموۆ نۇرسۇلتان ءابىش ۇلىن مەرەيجاسىمەن قىزۋ قۇتتىقتاي وتىرىپ, ءوزىنىڭ جەدەلحاتىندا بىلاي دەپ جازادى: “قازاقستان ءسىزدىڭ باسشىلىعىڭىزبەن الەۋمەتتىك-ەكونوميكالىق جانە رۋحاني-مادەني الەۋەتىن قارقىندى ارتتىرىپ كەلەدى, الەمدىك قوعامداستىققا بەلسەندى كىرىگۋدە. ءبىزدىڭ رەسپۋبليكالارىمىزدىڭ اراسىنداعى ىسكەرلىك بايلانىستار دا بارعان سايىن جاندانا تۇسۋدە”.
ينگۋشەتيا رەسپۋبليكاسىنىڭ پرەزيدەنتى يۋنۋس-بەك ەۆكۋروۆ قازاقستان پرەزيدەنتىنىڭ بەيبىتشىلىك پەن كەلىسىمدى نىعايتۋداعى ءرولىن وتە جوعارى باعالايدى. ەۆكۋروۆ ءوزىنىڭ جەدەلحاتىندا: “قازاقستان ينگۋش حالقى ءۇشىن ەكىنشى وتان بولىپ سانالادى. قازاق حالقى دا ينگۋشتاردان وزدەرىنىڭ ادال سەنىمدى دوستارىن تاۋىپ وتىر”, – دەپ جازادى.
رەسەي فەدەراتسياسى كەمەروۆ وبلىسىنىڭ گۋبەرناتورى امان تولەەۆ ءوز جەدەلحاتىندا نۇرسۇلتان نازارباەۆقا “اسقان دانا ادام, مويىندالعان كوشباسشى جانە تاۋەلسىز, ەگەمەن مەملەكەتتىڭ نەگىزىن قالاۋشى” رەتىندە وتە جوعارى قۇرمەت ءبىلدىرىپتى. كەمەروۆ وبلىسىنىڭ گۋبەرناتورى “قازاقستاننىڭ ەكونوميكاداعى, الەۋمەتتىك سالاداعى فەنومەندىك جەتىستىگى” ن.ءا.نازارباەۆتىڭ مەملەكەتتىك قىزمەتى بارىسىندا قازاقستان حالقى ءۇشىن ولشەۋسىز كۇش-جىگەر جۇمساعانىنىڭ كورىنىسى دەپ سانايدى.
نۇرسۇلتان نازارباەۆتىڭ مەرەيجاسىنا بايلانىستى اق تىلەككە تولى قۇتتىقتاۋلار رەسەي فەدەراتسياسىنىڭ وزگە وبلىستارى گۋبەرناتورلارىنان كوپتەپ ءتۇستى. اتاپ ايتقاندا, ورىنبور وبلىسىنان يۋ.ا.بەرگ, استراحان وبلىسىنان ا.ا.جيلكين, ساراتوۆ وبلىسىنان پ.ل.يپاتوۆ, سۆەردلوۆ وبلىسىنان ا.س.ميشارين, پەنزا وبلىسىنان ۆ.ك.بوچكارەۆ, كيروۆ وبلىسىنان ن.يۋ.بەلىح, مۋرمانسك وبلىسىنان د.ۆ.دميتريەنكو, كالينينگراد وبلىسىنان گ.ۆ.بووس قۇتتىقتاۋلار جولداعان.
رەسەي ورتالىق سايلاۋ كوميسسياسىنىڭ توراعاسى ۆ.ە.چۋروۆ پرەزيدەنت نۇرسۇلتان نازارباەۆتى مەرەيجاسىمەن قۇتتىقتاپ, مەرەيجاس يەسىنە زور دەنساۋلىق جانە قازاقستاندى دامىتۋ جولىندا جاڭا تابىستار تىلەدى.
قازاقستان پرەزيدەنتىنىڭ اتىنا رف مەملەكەتتىك دۋماسىنداعى ء“بىرتۇتاس رەسەي” فراكتسياسى جەتەكشىسىنىڭ ءبىرىنشى ورىنباسارى, كەڭەس وداعىنىڭ جانە رەسەي فەدەراتسياسىنىڭ باتىرى ا.ن.چيلينگاروۆتان قۇتتىقتاۋ جەدەلحاتى كەلدى. بەلگىلى عالىم, پوليار زەرتتەۋشىسى رەسەي مەن قازاقستان اراسىنداعى بەرىك دوستىقتى نىعايتۋداعى ن.ءا.نازارباەۆتىڭ ءرولىن جوعارى باعالايدى. “مەن ءبىزدىڭ كەزدەسۋلەرىمىزدى ىستىق ىقىلاسپەن ەسكە الامىن جانە لەنينگراد قورشاۋى جىلدارىندا وزىمە پانا بولعان قازاقستانعا شەكسىز ريزاشىلىعىمدى بىلدىرەمىن”, – دەپ جازادى ا.ن.چيلينگاروۆ.
رەسەيلىك پارلامەنتشىلەر دە وزدەرى جولداعان قۇتتىقتاۋ حاتتار مەن جەدەلحاتتاردا نۇرسۇلتان نازارباەۆتىڭ مەملەكەتكە سىڭىرگەن ەڭبەگىن ۇلكەن قۇرمەتپەن اتاپ وتەدى جانە مەرەيجاسپەن قۇتتىقتايدى. ولار: رف فەدەرالدىق جينالىسى فەدەرالدىق كەڭەسىنىڭ مۇشەلەرى ا.ا.اسلاحانوۆ, يۋ.ۆ.سميرنوۆ جانە ن.ي.رىجكوۆ, رف مەملەكەتتىك دۋماسىنىڭ دەپۋتاتى و.ۆ.ساۆچەنكو, التاي ولكەلىك زاڭشىعارۋ جينالىسىنىڭ توراعاسى ي.ي.لوور.
سونىمەن قاتار نۇرسۇلتان ءابىش ۇلى نازارباەۆتى مەرەيجاسىمەن جانە استانا كۇنىمەن تمد ەكونوميكالىق سوتىنىڭ ءتوراعاسى ف.ابدۋللوەۆ, رف پرەزيدەنتىنىڭ كەڭەسشىسى يۋ.ك.لاپتەۆ, “دنەپروۆسكي مەتكومبينات” ااق باس ديرەكتورى ي.د.بۋگا, “كاماز” ااق باس ديرەكتورى س.ا.كوگوگين, “مەچەل” ااق باس ديرەكتورى ي.ۆ.زيۋزين, “بانك ۆتب” ااق پرەزيدەنتى-توراعاسى ا.ل.كوستين, رەسەي اگروونەركاسىپتىك وداعىنىڭ توراعاسى ي.ا.وبولەنتسەۆ, “مرسك” حولدينگىنىڭ باس ديرەكتورى ن.ن.شۆەتس, س.م.ۆاينشتوك, يتار-تاسس اقپارات اگەنتتىگىنىڭ ديرەكتورى ۆ.ن.يگناتەنكو, “نوۆىە يزۆەستيا” گازەتىنىڭ باس رەداكتورى ۆ.ۆ.ياكوۆ, رف پرەزيدەنتى جانىنداعى رەسەي مەملەكەتتىك قىزمەت اكادەمياسىنىڭ رەكتورى ۆ.ك.ەگوروۆ, ومبى ۋنيۆەرسيتەتىنىڭ پروفەسسورى ن.ا.توميلوۆ, دنەپروپەتروۆسك وبلىستىق كەڭەسىنىڭ توراعاسى ە.گ.ۋدود, دنەپرودزەرجينسك ەكونوميكا جانە مەنەدجمەنت ينستيتۋتىنىڭ ديرەكتورى ۆ.شۆەتس جانە دنەپرودزەرجينسك ۋكراين-قازاق دوستىعى قوعامىنىڭ تەڭ توراعاسى ل.ەجەۆسكي قۇتتىقتادى.
قازاقستان پرەزيدەنتىنىڭ اتىنا بەلگىلى مادەنيەت جانە ونەر قايراتكەرلەرىنەن دە اق تىلەكتەرىن ارناعان قۇتتىقتاۋلار كەلىپ ءتۇستى. ولاردىڭ ىشىندە كينورەجيسسەر گەورگي دانەليا, رەسەي حالىق ارتىستەرى ۆلاديمير ۆينوكۋر, الەكسەي گۋسكوۆ, كسرو حالىق ارتىستەرى نادەجدا پاۆلوۆا, يگور لۋچەنكو, اقىن اناتولي لۋكيانوۆ-وسەنەۆ, رف ەڭبەك سىڭىرگەن ءارتىسى انيتا تسوي بار.
نۇرسۇلتان ءابىش ۇلى نازارباەۆتى مەرەيجاسىمەن بەلارۋس, قىرعىزستان, رەسەي جانە باسقا دا دوستاستىق ەلدەرىنىڭ ازاماتتارى حات, جەدەلحاتتار ارقىلى قۇتتىقتادى: ۆەليكيە لۋكيدەن ۆ.س.گاركۋشا, بىشكەكتەن ا.كاكەەۆ پەن ە.س.ابديكايموۆ, كراسنودار ولكەسىنەن س.ۆ.يانكوۆسكي, كيەۆ قالاسىنان ا.پ.مۋراشكو, ەكاتەرينبۋرگتەن ب.ە.پولياكوۆ, پەنزادان زينوۆەۆتەر وتباسى, استراحاننان م.بيسەنگاليەۆا, بلاگوۆەششەنسكىدەن ۆ.نيحاەنكو, ر.ح.ماكۋەۆ, ماسكەۋدەن ۆ.لوبوۆ, زەلەنوگرادتان گ.ۆ.بوەۆا جانە ومبىدان ا.ورداباەۆ قۇتتىقتاۋ جولداپتى.