قورعانىس مينيسترلىگىنە قاراستى شوقان ءۋاليحانوۆ اتىنداعى اسكەري كوللەدجدە 66 كادەتتىڭ قىزىلشا جۇقتىرعانى انىقتالدى. وقۋ ورنى وسىعان بايلانىستى كارانتين ەنگىزىلگەنىن حابارلادى, دەپ جازادى Egemen.kz.
مينيسترلىك مالىمەتىنشە, ءبىلىم الۋشىلار قىسقى دەمالىستان ورالعاننان كەيىن قىزىلشا جۇقتىرۋ فاكتىسى تىركەلە باستاعان. قازىر سىرقاتتانعان 66 كادەت بەيىندى مەديتسينالىق ۇيىمداردىڭ باقىلاۋىنا الىنعان. ەكى ءبىلىم الۋشىدا اۋرۋ اسقىنعانى انىقتالىپ وتىر.
الماتىدا قىزىلشا اۋرۋىنا شالدىعۋ كورسەتكىشى ءوستى
«ناۋقاستار مامانداندىرىلعان مەديتسينالىق كومەك الىپ جاتىر, ولاردىڭ جاعدايى تۇراقتى, وڭ ديناميكا بايقالادى. كوللەدج اۋماعىندا بايلانىستا بولعان تۇلعالار انىقتالىپ, وقشاۋلانعان. بارلىق پاتسيەنتكە قاجەتتى مەديتسينالىق كومەك كورسەتىلىپ جاتىر, ولاردىڭ دەنساۋلىق جاعدايى تۇراقتى دەپ باعالانىپ وتىر», دەلىنگەن مينيسترلىك اقپاراتىندا.
اسكەري كوللەدج اۋماعىندا مەديتسينالىق جانە سانيتاريالىق-ەپيدەميولوگيالىق باقىلاۋدى كۇشەيتۋگە باعىتتالعان قوسىمشا شارالار ۇيىمداستىرىلىپ, جەكە قۇرامنىڭ دەنساۋلىق جاعدايىنا مونيتورينگ كۇشەيتىلگەن.