بيىل كوكشە قىسى قىتىمىر. تەبىندەگى جىلقىنىڭ جايى جامان ەمەس. كورىكتى وڭىردەگى اڭ-قۇس تا امان. جانۋارلار دۇنيەسىنە جاناشىرلار ات ۇستىنەن تۇسپەي, قامقورلىق كورسەتىپ جاتىر, دەپ جازادى Egemen.kz.
ەلىك, بۇعى, مارالدار قاسات قاردى بۇزىپ, ونداعان شاقىرىم جول ءجۇرىپ, ارنايى ورىندارداعى تۇزدى جالاۋعا كەلەدى. مۇنداي قامقورلىق «بۋراباي» مەملەكەتتىك ۇلتتىق تابيعي پاركىندە جاسالىپ وتىر. پارك قىزمەتكەرلەرى تۋريستەرگە مۇنداي اڭداردى ازىقتاندىرۋ ورىندارىنا تىم جاقىنداپ, اڭ-قۇستى ۇركىتپەۋىن ءوتىنىپ وتىر.
كاتونقاراعاي تابيعي پاركىندە سيرەك كەزدەسەتىن قۇس فوتوتۇزاققا ءتۇسىپ قالدى
قازىر «بۋراباي» پاركىندە 125 جەم-ءشوپ ورىندارى مەن 122 تۇز سالىنعان ىدىستار بار. اسىرەسە, تۇز قويىلعان ىدىستارعا بۇعى, قابان, ەلىك ءۇيىر.
«تابيعي ورتادا تۇزدى جەرلەر سيرەك كەزدەسەدى. ءبىزدىڭ ولكەدە تۇزدى كولدەر از عوي. ال, دالا جانۋارلارى ءۇشىن تۇز ماڭىزدى قورەك. اسىرەسە, شوپقورەكتىلەر تۇزعا جەرىك. اڭ-قۇسىمىز امان بولۋى ءۇشىن تۋريستەرگە تۇز سالىنعان ىدىستارعا باسقا قورەك سالماۋىن وتىنەمىز», دەيدى پارك قىزمەتكەرى يۋري زەلەنسكي.
مۇنداي تالاپ اڭ-قۇستىڭ اماندىعى ءۇشىن جاسالىپ وتىر.
اقمولا وبلىسى
اققۋلار وتباسى: تابيعي پاركتە سيرەك قۇبىلىس تىركەلدى