«Zhibek Zholy» تۋريستىك پويىزى جوباسىنىڭ كەزەكتى كەزەڭىن ناۋرىز ايىندا باستاۋ جوسپارلانىپ وتىر. تۋريستىك پويىز ۇلى جىبەك جولىنىڭ تاريحي باعىتىمەن ءوتىپ, الماتى – تۇركىستان – سامارقاند – دۋشانبە – تاشكەنت – الماتى قالالارىن ارالايدى, دەپ جازادى Egemen.kz.
جوبا اياسىندا ساياحاتشىلار تۇركى الەمىنىڭ رۋحاني ورداسى – تۇركىستان قالاسىنا, يسلام وركەنيەتىنىڭ ماڭىزدى تاريحي ورتالىقتارىنىڭ ءبىرى – سامارقاندقا, باي مادەني مۇراسى بار استانا – دۋشانبە قالاسىنا, سونداي-اق وڭىردەگى ءىرى اكىمشىلىك ءارى تۋريستىك ورتالىق سانالاتىن تاشكەنتكە ساپار شەگەدى.
باعدارلامادا ەكسكۋرسيالىق قىزمەت كورسەتۋ, تاريحي-مادەني مۇرا نىساندارىن ارالاۋ جانە مارشرۋتقا قاتىسۋشى ەلدەردىڭ داستۇرلەرىن تانىتاتىن مادەني ءىس-شارالار وتكىزۋ قاراستىرىلعان.
جوبا تۋريزم جانە سپورت مينيسترلىگىنىڭ, «قازاقستان تەمىر جولى» اق-نىڭ جانە «قازاقستاندىق تۋريزم يندۋسترياسى» رەسپۋبليكالىق قاۋىمداستىعىنىڭ قولداۋىمەن جۇزەگە اسىرىلادى.
الماتىدان جاڭا تۋريستىك پويىزدار جولعا شىعادى
ەلىمىزدىڭ تۋريستىك اگەنتتىكتەرى ۇسىنعان حابارلاندىرۋعا سايكەس تۋريستىك پاكەتتىڭ قۇنى:
ەرەسەكتەر ءۇشىن – 270-310 مىڭ تەڭگە;
15 جاسقا دەيىنگى بالالار ءۇشىن – 210-250 مىڭ تەڭگە;
5 جاسقا دەيىنگى بالالار ءۇشىن – 10 مىڭ تەڭگە (ورىن مەن تاماقتاندىرۋ قىزمەتى ۇسىنىلمايدى).
«سيان – الماتى» باعىتى بويىنشا العاشقى تۋريستىك پويىز ساپارعا شىقتى