كونستيتۋتسيالىق رەفورما اياسىندا اتا زاڭنىڭ پرەامبۋلاسىن جاڭعىرتۋ, ونىڭ مازمۇنىن زامان تالابىنا ساي قايتا وزەكتەندىرۋ ماسەلەسىن پارلامەنت ءماجىلىسىنىڭ دەپۋتاتى ءۇنزيلا شاپاق كوتەردى. بۇل ۇسىنىسىن ول كونستيتۋتسيالىق كوميسسيانىڭ وتىرىسىندا ءبىلدىرىپ, ءوز ويىن ايتتى, دەپ حابارلايدى Egemen.kz.
دەپۋتاتتىڭ پىكىرىنشە, كونستيتۋتسيا پرەامبۋلاسىن جاڭارتۋ تەك رەداكتسيالىق تۇزەتۋ ەمەس. مۇنداي وزگەرىس – ۇلتتىق مەملەكەتتىلىكتى نىعايتاتىن, ەلدىڭ يدەيالىق باعدارىن ايقىندايتىن ماڭىزدى قادام.
– مەملەكەت باسشىسى دا پرەامبۋلادا ۇلتتىق قۇندىلىقتاردى نەگىزگە الۋ قاجەتتىگىن ناقتى اتاپ ءوتتى. قازاق دالاسىنان باستاۋ الاتىن وركەنيەت پەن مەملەكەتتىلىك ءداستۇرىنىڭ ساباقتاستىعىن ايقىن كورسەتۋ, قازاقستاننىڭ ۇلى دالاداعى تاريحي مەملەكەتتەردىڭ مۇراگەرى ەكەنىن ناقتى بەينەلەۋ ماڭىزدى ەكەنىنە ەرەكشە ءمان بەردى. سوندىقتان كونستيتۋتسيالىق رەفورما اياسىندا كەلىپ تۇسكەن بارلىق ۇسىنىستارعا ءۇستىرت ەمەس, بايىپپەن, تەرەڭ كوزقاراسپەن قاراۋ – ورتاق مىندەتىمىز, – دەدى كوميسسيا مۇشەسى ءوز سوزىندە. ەرلان قارين: قۇرىلتاي دەپۋتاتتارىنا قويىلاتىن قوسىمشا تالاپتار كونستيتۋتسيالىق زاڭدا ايقىندالۋى مۇمكىنكونستيتۋتسيانىڭ پرەامبۋلاسى – نەگىزگى زاڭنىڭ يدەيالىق ءارى مورالدىق ىرگەتاسى, سونداي-اق كونستيتۋتسيانى قابىلداۋداعى تۇپكى ماقساتتاردى ايقىندايدى, ەلدىڭ تاريحي-مادەني بولمىسىن, ۇلتتىق كەلبەتىن تانىتادى. وسى ورايدا ءۇنزيلا شاپاق وزگەرىستەرگە قاتىستى ءوز پىكىرى مەن ويىن ايتتى.
– ەندىگى ءبىز ۇسىناتىن پرەامبۋلا ماتىنىندە بىرنەشە ىرگەلى باعىت ايقىن كورىنىس تابۋعا ءتيىس. ەڭ اۋەلى, قازاقستان ءوزىن ءبىرتۇتاس ۇلت رەتىندە تانىتۋى قاجەت. بۇل – ۇلتتىق بىرەگەيلىكتى كۇشەيتەتىن, بارشا قازاقستان ازاماتىن ورتاق ماقسات پەن جاۋاپكەرشىلىككە ۇيىستىراتىن باستى ۇستانىم. پرەامبۋلادا مەملەكەتتىڭ ۋنيتارلىق سيپاتى, شەكارالاردىڭ مىزعىماستىعى مەن اۋماقتىق تۇتاستىقتى ساقتاۋ ماسەلەسىنە ەرەكشە ءمان بەرىلۋگە ءتيىس. قازىرگى گەوساياسي جاعدايدا بۇل قاعيداتتار ەل ەگەمەندىگىن نىعايتاتىن شەشۋشى فاكتورلار بولىپ سانالادى, – دەدى دەپۋتات.سونداي-اق ءۇنزيلا شاپاقتىڭ ايتۋىنشا, «ادىلەتتى قازاقستان» يدەياسى مەن ونىڭ وزەگى سانالاتىن «زاڭ مەن ءتارتىپ» قاعيداتىن پرەامبۋلا دەڭگەيىندە بەكىتۋ مەملەكەت پەن قوعام دامۋىنىڭ جاڭا فيلوسوفياسىن ايقىندايدى.
ەرجان جيەنباەۆ ۆيتسە-پرەزيدەنتتىڭ وكىلەتتىگىنە قاتىستى كونستيتۋتسيالىق وزگەرىستەرگە توقتالدى
– بۇگىن ءبىز كونستيتۋتسيا تۋرالى ايتقاندا تەك بيلىك پەن قۇقىقتىق نورمالاردى عانا ەمەس, ۇلتتىڭ بولاشاق الدىنداعى جاۋاپكەرشىلىگىن دە ويلاۋىمىز كەرەك. سوندىقتان تابيعاتتى ايالاۋ, ەكولوگيامىزدى ساقتاۋ يدەياسى كونستيتۋتسيادا قوعام مەن مەملەكەتتىڭ ورتاق قۇندىلىعى رەتىندە كورىنىس تابۋعا ءتيىس. مادەنيەت, ادىلەتتى قازاقستاننىڭ كونستيتۋتسيالىق نەگىزى مەملەكەتتىلىك – تەك زاڭدار مەن ينستيتۋتتار ارقىلى عانا ەمەس, ۇلتتىق رۋح پەن مادەنيەت ارقىلى ورنىعادى. سوندىقتان مادەنيەتتىڭ جانە رۋحاني قۇندىلىقتاردىڭ ءرولى كونستيتۋتسيادا ايقىن كورىنىس تابۋعا ءتيىس. ءدال وسى مادەني نەگىز حالىقتى ءبىرتۇتاس ۇلتقا اينالدىرىپ, قوعامدىق بىرلىكتى نىعايتادى. مادەنيەتتى كونستيتۋتسيالىق دەڭگەيدە بەكىتۋ ارقىلى ءبىز ادىلەتتى قازاقستاننىڭ تەك قۇقىقتىق ەمەس, وركەنيەتتى مەملەكەت ەكەنىن ناقتىلايمىز. سونىمەن بىرگە مادەنيەت پەن ونەرگە, عىلىم مەن بىلىمگە, يننوۆاتسياعا, تابيعاتتى ايالاۋعا, بۇگىنگى جانە كەلەر ۇرپاق الدىنداعى جاۋاپكەرشىلىككە ءمان بەرىلۋى كونستيتۋتسيانى تەك قۇقىقتىق ەمەس, وركەنيەتتىك قۇجات دەڭگەيىنە كوتەرەدى. بۇل – مەملەكەت پەن حالىق اراسىنداعى جاريا قوعامدىق كەلىسىمنىڭ ايقىن كورىنىسى, – دەدى ول.