ۇكىمەت جاريالاعان اۋديتورلىق تەكسەرۋدىڭ الدىن الا قورىتىندىسىندا جەكەمەنشىك مەكتەپتەردەگى بيۋدجەت قاراجاتىن جىمقىرۋ جانە اوك-تە قارجىنى ماقساتسىز پايدالانۋ فاكتىلەرى تىركەلگەنى ايتىلدى, دەپ حابارلايدى Egemen.kz.
پرەمەر-مينيستر ولجاس بەكتەنوۆ قارجى ءمينيسترى ءمادي تاكيەۆتىڭ بايانداماسىن تىڭدادى.ونىڭ ايتۋىنشا جەكەمەنشىك مەكتەپتەر سانى 2020 جىلى 203-تەن 2025 جىلى 878-گە دەيىن ارتقان, ال وقۋشىلار سانى بەس جىل ىشىندە التى ەسەگە, ياعني 53 مىڭنان 322 مىڭ بالاعا دەيىن وسكەن. سونداي-اق اتالعان باعىت بويىنشا بيۋدجەت شىعىستارىنىڭ كولەمى 2020 جىلعى دەڭگەيدەن (13,3 ملرد تەڭگە) 20 ەسە اسىپ, 248 ملرد تەڭگەنى قۇرادى.
مەملەكەتتىك تاپسىرىسقا موراتوري: جەكەمەنشىك مەكتەپتەردىڭ قارجىلاندىرىلۋى تۇبەگەيلى وزگەرەدى
2025 جىلدىڭ سوڭىنا دەيىن جەكەمەنشىك مەكتەپتەردى قارجىلاندىرۋ جۇيەسى بىتىراڭقى ءارى باقىلاۋسىز بولعانى, بۇل دەرەكتەردىڭ بۇرمالانۋىنا جانە بيۋدجەت قاراجاتىن تەرىس پايدالانۋعا جاعداي تۋعىزعانى اتاپ ءوتىلدى. وسىعان بايلانىستى وتكەن جىلدىڭ سوڭىنان بەرى قارجىلاندىرۋ بارلىق كەزەڭنىڭ اشىقتىعى مەن اۆتوماتتاندىرىلۋىن قامتاماسىز ەتەتىن وrta-bilim.e-qazyna تسيفرلىق پلاتفورماسىنا اۋىستىرىلدى, بۇل قازىرگى كەزەڭدە جاڭا ءتاسىلدىڭ تيىمدىلىگىن راستادى ءارى قاراجاتتى جوسىقسىز پايدالانۋ تاۋەكەلدەرىن بارىنشا ازايتۋعا مۇمكىندىك بەرەدى.
قازاقستاندا جەكەمەنشىك مەكتەپتەرگە قويىلاتىن تالاپتار كۇشەيەدى
قارجى مينيسترلىگى جەكەمەنشىك مەكتەپتەردى قارجىلاندىرۋعا جۇرگىزگەن اۋديت بارىسىندا بىرقاتار زاڭبۇزۋشىلىقتى انىقتادى. ولاردىڭ ىشىندە:- مەكتەپتەر اراسىندا بىرنەشە رەت اۋىستىرۋ جانە تىركەلۋ ارقىلى وقۋشىلار سانىن كوبەيتۋ;- عيماراتتاردىڭ ناقتى سىيىمدىلىعىن ەسەپكە الماي وقۋشى ورىندارىنىڭ سانىن نەگىزسىز اسىرا باعالاۋ (نورماتيۆتىك سىيىمدىلىقتان 3 ەسە اسىپ كەتۋ);- بيۋدجەتتىك قارجىلاندىرۋ الۋ جانە سول ارقىلى سالىق تولەمدەرىن ازايتۋ ءۇشىن سالىق ەسەپتىلىگىندە كىرىستى كەم كورسەتۋ ارقىلى ەسەلەنگەن پايدا الۋ;- كۇردەلى جوندەۋدىڭ ورنىنا اعىمداعى جانە كوسمەتيكالىق جوندەۋ جۇرگىزۋ (جوبالاۋ جانە سمەتالىق قۇجاتتاماسى بولماعان جاعدايدا) انىقتالدى.