2025 جىلدىڭ جەلتوقسان ايىندا اقش-تىڭ اركانزاس شتاتىندا رەكوردتىق لوتەرەيا دجەكپوتى ويناتىلىپ, ونىڭ سوماسى 1,8 ملرد دوللاردى (شامامەن 900 ملرد تەڭگە) قۇراعان. الايدا باقىتتى بيلەت يەسى ءالى كۇنگە دەيىن جۇلدەسىن الۋ ءۇشىن قاجەتتى ۇيىمعا جۇگىنبەگەن, دەپ جازادى Egemen.kz.
لوتەرەيا بيلەتى كابوت قالاسىنداعى دۇكەندەردىڭ بىرىنەن ساتىپ الىنعانى انىقتالعان. ساراپشىلاردىڭ پىكىرىنشە, جەڭىمپاز قوعام مەن بۇقارالىق اقپارات قۇرالدارىنىڭ نازارىنان ساقتانىپ, اقشانى الۋعا ءوتىنىش بەرۋدى كەيىنگە قالدىرۋى مۇمكىن.
ال رەكوردتىق جۇلدە سوماسى قاتارىنان 46 ۇتىس ويىنىندا جەڭىمپاز انىقتالماعاندىقتان وسى كولەمگە جەتكەن.
اقش-تان كوشكەندەر سانى كەلۋشىلەردەن اسىپ ءتۇستى: ترامپ ەميگراتسيا ماسەلەسىن قالاي شەشتى؟
جەڭىمپاز رەسمي تۇردە انىقتالعانعا دەيىن ۇتىس سوماسى بۇعاتتالىپ, يەسى تابىلعانشا ساقتالادى. جۇلدەنى الۋ ءۇشىن جەڭىمپازدىڭ ءوزى بارىپ ءوتىنىش بەرۋى قاجەت.
بۇعان دەيىن اقش-تىڭ التى بانكى 2025 جىلى اكتسيونەرلەرگە رەكوردتىق 140 ملرد دوللار قايتارعانىن حابارلاعانبىز.
اقش يمميگراتسيالىق ۆيزالار بەرۋدى ۋاقىتشا توقتاتتى: قازاقستان تىزىمگە ەندى