استانادا پرەمەر-ءمينيستردىڭ ورىنباسارى – مادەنيەت جانە اقپارات ءمينيسترى ايدا بالاەۆا «Yango Group» كومپانياسىنىڭ جاھاندىق ديرەكتورى دانيل شۋلەيكو مەن «Yandex Qazaqstan» باسشىسى تيمۋر شالەكەنوۆپەن كەزدەستى.
باسقوسۋ بارىسىندا تاراپتار ەلىمىزدەگى كرەاتيۆتى يندۋستريانى دامىتۋ كەلەشەگىن, مەملەكەت پەن حالىقارالىق جەتەكشى تەحنولوگيالىق كومپانيالار اراسىنداعى ىنتىماقتاستىقتى كەڭەيتۋ مۇمكىندىكتەرىن تالقىلادى. ايدا بالاەۆا «Yandex Qazaqstan» كومپانياسىنىڭ تسيفرلىق جانە كرەاتيۆتى ەكوجۇيەلەردى دامىتۋداعى ماڭىزدى ءرولىن ءسوز ەتىپ, يننوۆاتسيالىق جوبالار مەن تالانتتاردى قولداۋعا قوسقان ۇلەسىن اتاپ ءوتتى.
كەزدەسۋدە كرەاتيۆتى يندۋستريانى دامىتۋ قورىنىڭ قىزمەتىنە ەرەكشە نازار اۋدارىلدى. قوردىڭ نەگىزگى جۇمىس باعىتتارى, ونىڭ ىشىندە جوبالاردى جەدەل دامىتۋ مەن قولداۋ, كرەاتيۆتى باستامالاردى جۇزەگە اسىرۋ, ينفراقۇرىلىمدى دامىتۋ مەن وتاندىق كرەاتيۆتى ونىمدەردى حالىقارالىق نارىققا شىعارۋ تالقىلاندى. سونىمەن قاتار «Yandex Qazaqstan» كومپانياسى قوردىڭ ستراتەگيالىق سەرىكتەسى رەتىندە قاراستىرىلىپ وتىر.
جيىن قورىتىندىسىندا تاراپتار ۇزاقمەرزىمدى ءارى جۇيەلى سەرىكتەستىككە مۇددەلى ەكەنىن ايتىپ, كرەاتيۆتى ەكونوميكا مەن تسيفرلىق تەحنولوگيالار سالاسىندا بايلانىس ورناتۋعا نيەتتى ەكەندىگىن جەتكىزدى.