قازاقستان بەيبىتشىلىك كەڭەسىنە ميللياردتاعان جارنا تولەمەي-اق كىرگەن. اقوردادا اتاپ وتىلگەندەي, بەيبىتشىلىك كەڭەسىنە كىرۋ ءۇشىن مەملەكەتتىڭ تاۋەلسىز شەشىمى عانا قاجەت. كەڭەسكە كىرگەن ساتتەن باستاپ مەملەكەتتىڭ ونداعى مۇشەلىك مەرزىمى 3 جىلدى قۇرايدى, دەپ حابارلايدى Egemen.kz.
اقوردادا جارعىدا كورسەتىلگەن 1 ميلليارد دوللار كولەمىندەگى ەرىكتى جارنا مۇشەلىككە قويىلاتىن مىندەتتى تالاپ ەمەس ەكەنى ءتۇسىندىرىلدى. بۇل – ءاربىر قاتىسۋشى مەملەكەتتىڭ وز ەركى. ەگەر مۇنداي جارنا العاشقى جىلدىڭ ىشىندە تولەنسە, مەملەكەتكە بەيبىتشىلىك كەڭەسىندەگى مۇشەلىك مەرزىمىن بەلگىلەنگەن 3 جىلدان اسىرىپ ۇزارتۋ مۇمكىندىگى بەرىلەدى.
پرەزيدەنت بەيبىتشىلىك كەڭەسىنىڭ جارعىسىنا قول قويدى
«قازاقستان بەيبىتشىلىك كەڭەسىنە ەشقانداي قارجىلىق جارنا ەنگىزبەستەن قوسىلدى, بۇل جارعى تالاپتارىنا تولىق سايكەس كەلەدى», دەپ اتاپ ءوتتى اقوردانىڭ ءباسپاسوز قىزمەتى.
بەيبىتشىلىك كەڭەسى بۇۇ-عا بالاما قۇرىلىمعا اينالۋى مۇمكىن بە؟