قازالى اۋدانىنىڭ ايتەكە بي كەنتىندە تەمىرجول ارقىلى وتەتىن اسپالى كوپىر اشىلدى. سوعان وراي ۇيىمداستىرىلعان سالتاناتتى جيىندا وبلىس اكىمى نۇرلىبەك نالىباەۆ جينالعان جۇرتشىلىقتى قۇتتىقتاپ, جول ينفراقۇرىلىمىن دامىتۋداعى اۋقىمدى جۇمىستاردى اتاپ ءوتتى, دەپ جازادى Egemen.kz.
كولىك-ترانزيت سالاسىن دامىتۋ باعىتىندا وبلىستا 2022-2025 جىلدارى 1 600 شاقىرىم اۆتوموبيل جولدارى مەن كوشەلەردى, 30 كوپىر وتكەلىن سالۋعا, كۇردەلى جوندەۋگە 150 ملرد تەڭگەگە جۋىق قارجى ءبولىندى. وتكەن جىلدىڭ وزىندە جول ينفراقۇرىلىمىن دامىتۋعا بيۋدجەتتەن 50 ملرد 605 ملن تەڭگە قارالىپ, 329 شاقىرىم اۆتوموبيل جولدارى, كوشەلەر مەن كوپىر وتكەلدەرى جوندەۋدەن ءوتىپ جاتىر.
قازالى تەمىرجول ۆوكزالىنداعى اسپالى كوپىر 1,3 ملرد تەڭگەگە سالىنعان. جاياۋ جۇرگىنشىلەرگە ارنالعان كوپىردى ايتەكە بي كەنتىنىڭ ارعى بەتىندە تۇراتىن 13 مىڭنان استام تۇرعىن قولدانادى. بۇل وتكەل ارقىلى 2 مىڭنان استام ادام كۇندەلىكتى ءارلى-بەرلى قاتىنايدى.
جيىندا كوپىردى سالعان مەردىگەر «قازتەمىرجول Engineering» جشس وكىلدەرى مەن تەمىرجولدا قىزمەت ەتەتىن ماماندار ماراپاتتالدى.
قىزىلوردا وبلىسى
«وبلىس جاعدايى كۇمانسىز جاقسى»: پرەزيدەنت قىزىلوردا وبلىسى اكىمىنە جوعارى باعا بەردى