سينوپتيكتەر 22 قاڭتاردا قازاقستاننىڭ 14 وبلىسىندا داۋىل بولاتىنى تۋرالى ەسكەرتتى, دەپ حابارلايدى Egemen.kz.
«قازگيدرومەت» رمك مالىمەتىنشە, اتىراۋ وبلىسىندا 22 قاڭتاردا قار جاۋادى. وبلىستىڭ سولتۇستىگى مەن شىعىسىندا بوران سوعادى. باتىسى مەن وڭتۇستىگىندە تۇمان ءتۇسىپ, كوكتايعاق بولادى.
پاۆلودار وبلىسىنىڭ باتىسىندا, وڭتۇستىگىندە جانە شىعىسىندا قار, بوران بولجانادى. تۇندە جانە تاڭەرتەڭ وبلىستىڭ سولتۇستىگىندە تۇمان تۇسەدى. جەل سولتۇستىك-شىعىستان سوعىپ, باتىس, وڭتۇستىك جانە شىعىس بولىكتەرىندە ەكپىنى 15-20 م/س-قا دەيىن جەتەدى.
تۇركىستان وبلىسىندا جاۋىن-شاشىن (جاڭبىر, قار) كۇتىلەدى. كۇندىز وبلىستىڭ وڭتۇستىگىندە جانە تاۋلى اۋداندارىندا قاتتى جاۋىن-شاشىن (جاڭبىر, قار) بولادى. تومەنگى بوران, كوكتايعاق بولۋى مۇمكىن. باتىس, سولتۇستىك, وڭتۇستىك جانە تاۋلى اۋدانداردا دا تۇمان تۇسەدى. جەل وڭتۇستىك-باتىستان سوعىپ, ەكپىنى 15-20 م/س, كۇندىز كەي جەرلەردە 23-28 م/س-قا دەيىن كۇشەيەدى.
ماڭعىستاۋ وبلىسىنىڭ باتىسىندا, سولتۇستىگىندە جانە ورتالىعىندا كۇندىز كوكتايعاق كۇتىلەدى. سونداي-اق وسى اۋماقتاردا تۇمان بولادى.
الماتى وبلىسىنىڭ سولتۇستىگىندە, وڭتۇستىگىندە جانە تاۋلى اۋداندارىندا كەي ۋاقىتتا تۇمان ءتۇسىپ, جولداردا كوكتايعاق كۇتىلەدى. جەل وڭتۇستىك-شىعىستان سوعىپ, كەيىن وبلىستىڭ شىعىسىندا باتىسقا اۋىسادى, ەكپىنى 15-20 م/س.
قىزىلوردا وبلىسىنىڭ شىعىسىندا, وڭتۇستىگىندە جانە ورتالىعىندا كوكتايعاق كۇتىلەدى. سولتۇستىك, وڭتۇستىك جانە ورتالىق بولىكتەرىندە تۇمان بولادى.
اباي وبلىسىنىڭ باتىسىندا جانە سولتۇستىگىندە تۇمان بولجانىپ وتىر. جەل سولتۇستىك-شىعىستان جانە شىعىستان سوعادى, كۇندىز اياگوز اۋدانىندا ەكپىنى 15-20 م/س.
شىعىس قازاقستان وبلىسىنىڭ سولتۇستىگىندە جانە شىعىسىندا تۇمان كۇتىلەدى.
ۇلىتاۋ وبلىسىنىڭ وڭتۇستىگىندە ازداعان قار جاۋىپ, بوران سوعادى. شىعىسىندا, وڭتۇستىگىندە جانە ورتالىعىندا تۇمان بولجانادى.
قاراعاندى وبلىسىنىڭ باتىسى مەن سولتۇستىگىندە ازداعان قار مەن بوران كۇتىلەدى, باتىس, سولتۇستىك جانە شىعىس بولىكتەرىندە تۇمان تۇسەدى.
جامبىل وبلىسىنىڭ تۇندە باتىسىندا, وڭتۇستىگىندە جانە تاۋلى اۋداندارىندا قار, تومەنگى بوران, كوكتايعاق كۇتىلەدى. كۇندىز قار, تومەنگى بوران, كوكتايعاق جالعاسادى. كەي ۋاقىتتا تۇمان تۇسەدى. جەل سولتۇستىك-شىعىستان سوعىپ, كەيىن وڭتۇستىك-باتىسقا اۋىسادى, وبلىستىڭ وڭتۇستىك-باتىسىندا, سولتۇستىك-شىعىسىندا جانە تاۋلى اۋداندارىندا ەكپىنى 15-20 م/س, كەي جەرلەردە 23-28 م/س-قا دەيىن جەتەدى.
اقمولا وبلىسىندا ازداعان قار, تومەنگى بوران كۇتىلەدى.
جەتىسۋ وبلىسىنىڭ شىعىسىندا, ورتالىعىندا جانە تاۋلى اۋداندارىندا كەي ۋاقىتتا تۇمان ءتۇسىپ, جولداردا كوكتايعاق بولادى. الاكول كولدەرى اۋدانىندا جەل سولتۇستىك-شىعىستان سوعىپ, ەكپىنى 15-20 م/س, كەي ۋاقىتتا 23-28 م/س-قا دەيىن كۇشەيەدى.
باتىس قازاقستان وبلىسىندا تۇمان مەن كوكتايعاق كۇتىلەدى.