NASA ۇزاقمەرزىمدى عارىشتىق ميسسيالارعا ارنالعان «Mars to Table Challenge» اتتى حالىقارالىق بايقاۋ جاريالادى. جۇلدە قورى – 750 مىڭ اقش دوللارى.
بايقاۋعا قاتىسۋشىلار اي مەن مارسقا باعىتتالعان ەكسپەديتسيالاردا اۆتونومدى جۇمىس ىستەيتىن, ەكيپاجدى تولىققاندى تاعاممەن قامتاماسىز ەتە الاتىن تاماقتانۋ جۇيەلەرىن ۇسىنۋعا ءتيىس. ادامداردى اي مەن مارسقا ۇزاق ۋاقىتقا جىبەرۋ ءۇشىن تاعام جۇيەسى جەردەن ۇزدىكسىز جەتكىزىلىمگە تاۋەلدى بولماۋى قاجەت. وسى ماقساتتا «Mars to Table Challenge» اياسىندا قاتىسۋشىلار ازىق-ت ۇلىك ءوندىرۋ, ساقتاۋ, تۇتىنۋ ماسەلەلەرىنە شەشىم تابادى. ماڭىزدى شارتتاردىڭ ءبىرى – جەردەن اكەلىنەتىن ونىمدەردىڭ ۇلەسى جالپى كولەمنىڭ 50 پايىزىنان اسپاۋى كەرەك.