ماڭعىستاۋدىڭ تابيعاتى, سالت-ءداستۇرى مەن ۇلتتىق تاعامدارى تۋرالى ارنايى بەينەسيۋجەت «روسسيا-1» تەلەارناسىنىڭ «ۋترو روسسي» باعدارلاماسىندا جاريالاندى, دەپ حابارلايدى Egemen.kz.
«ۋترو روسسي» باعدارلاماسىندا ماڭعىستاۋ ءوڭىرىنىڭ تەرەڭ تاريحى, تابيعي لاندشافتى, سالت-ءداستۇرى مەن تۇيە سۇتىنەن جاسالعان ۇلتتىق تاعامدارى تۋرالى ماعلۇمات بەرىلدى. ءبىرىنشى بەينەماتەريالدا شەتەلدىك جۋرناليستەر اقتاۋدىڭ بويتۇمارىنا جانە ۆيزيت كارتوچكاسىنا اينالعان – «ماياك» شامشىراعىمەن تانىستى. تۇرعىن ءۇي توبەسىنە شامشىراق ورناتۋ الەمدە تۇڭعىش رەت 1974 جىلى اقمارجان قالا اقتاۋدا ىسكە اسىرىلعان ەكەن. سونىمەن بىرگە جۋرناليستەر جارتاستى سوقپاقتى ارالاپ, وڭىردەگى بالىق شارۋاشىلىعىنىڭ دامۋ الەۋەتىمەن تانىستى.
تۋريستىك كۇنتىزبە: بيىل ماڭعىستاۋدا قانداي ءىس-شارالار وتەدى؟
بەينەماتەريالدا قازاق حالقىنىڭ قوناقجاي قاسيەتى مەن دارحان پەيىلىنە, مول داستارحانىنا ايرىقشا توقتالىپ, العىسىن بىلدىرگەن تىلشىلەر بالىق اسىپ, ياعني «فيشبارماق» دايىنداپ, تۇيە سۇتىنەن جاسالاتىن ونىمدەردىڭ ءدامىن تاتتى. ءتۇسىرىلىم توبى تۇرعىنداردى ۇزدىكسىز اۋىز سۋمەن قامتۋ جۇمىسىن جۇزەگە اسىرىپ وتىرعان «كاسپي» سۋ تۇشىتۋ زاۋىتىنىڭ جۇمىسىمەن دە تانىستى.
قىتاي بلوگەرى بوزجىرا شاتقالىن الەمگە تانىتتى
ءتۇسىرىلىم توبى بوزجىرا شاتقالىنا بارىپ, تۇبەكتىڭ تۇمسا تابيعاتىنا تامساندى. تۇيە سۇتىنەن ازىرلەنگەن ونىمدەردىڭ ەرەكشەلىگىنە توقتالىپ, ىرىمشىك دايارلايتىن ماماندارمەن اڭگىمەلەستى. سيۋجەت ماڭعىستاۋ وبلىسىنىڭ تابيعي, مادەني جانە تۋريستىك الەۋەتىن كەڭىنەن ناسيحاتتاۋعا, سونداي-اق حالىقارالىق اۋديتوريا ءۇشىن ءوڭىردىڭ وڭ ءيميدجىن قالىپتاستىرۋعا باعىتتالدى.
ونەرپاز بوزجىرا شاتقالىندا «Interstellar» ءفيلمىنىڭ كومپوزيتسياسىن ورىندادى