قازاقستاندا ەڭ قاتتى ارزانداعان ءونىم بەلگىلى بولدى

باعاسى ەڭ كوپ تومەندەگەن ونىمدەر

تۇتىنۋشىلار ءۇشىن جاعىمدى جاڭالىق – كوكونىس توبىنىڭ ايتارلىقتاي ارزانداۋى. ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسى (سجرا ۇسب) دەرەكتەرىنە سايكەس, قازاقستاندا ەڭ قاتتى ارزانداعان ءونىم – قيار. ونىڭ باعا يندەكسى ءبىر جىلدا 86,7%-دى قۇراپ, قۇنى 13,3%-عا تومەندەگەن.

جىلدىق ماندە ەڭ كوپ ارزانداعان تاۋارلار قاتارىنا مىنالار كىردى:

قىزاناق –11,8%-عا ارزاندادى (يندەكس 88,2);

كارتوپ – 9,6%-عا تومەندەدى (يندەكس 90,4);

تازارتىلعان كۇرىش – 4,7%-عا ارزاندادى (يندەكس 95,3);

باس پياز – 0,4%-عا ازداپ تومەندەگەن (يندەكس 99,6).

باعاسى ەڭ كوپ قىمباتتاعان ونىمدەر

سونىمەن قاتار, الەۋمەتتىك ماڭىزى بار ازىق-ت ۇلىك تاۋارلارىنىڭ جالپى باعا يندەكسى ءبىر جىلدا 8%-عا وسكەن. ينفلياتسياعا نەگىزگى ۇلەستى ەت ونىمدەرى قوسقان.

2025 جىلعى قاڭتارمەن سالىستىرعاندا 2026 جىلعى قاڭتار ايى بويىنشا باعاسى ەڭ كوپ وسكەن ونىمدەر:

سۇيەكسىز سيىر ەتى – 31,2%-عا قىمباتتادى (يندەكس 131,2);

قوي ەتى (سونىڭ ىشىندە سۇيەكسىز) –28,6% (يندەكس 128,6);

سۇيەكتى سيىر ەتى – 28,3% (يندەكس 128,3);

تارتىلعان ەت – 26,5% (يندەكس 126,5).

باسقا ساناتتاردا دا باعانىڭ ايتارلىقتاي ءوسۋى بايقالدى: كۇنباعىس مايى (+14,8%), الما (+14,0%) جانە ءسابىز (+13,6%).

قاڭتاردىڭ العاشقى جارتىسىنداعى جاعداي

2026 جىلدىڭ باسىنان بەرگى وزگەرىستەرگە نازار اۋدارساق, ماۋسىمدىق كوكونىستەر مەن ءسۇت ونىمدەرى باعانىڭ ءوسۋى بويىنشا الدىڭعى ورىنعا شىققان. ەڭ جوعارى ءوسىم رەتىندە اق قاۋداندى قىرىققابات تىركەلدى – جىل باسىنان بەرى 7,1%-عا قىمباتتاعان, ونىڭ 3,8%-ى قاڭتاردىڭ ەكىنشى اپتاسىنا تيەسىلى.

سونداي-اق جىل باسىنان بەرى:

ءسابىز (+2,2%),

قاراقۇمىق جارماسى (+1,7%),

ايران (+1,3%) قىمباتتاعان.

ال سوڭعى ەسەپتىك اپتادا (8-14 قاڭتار ارالىعى) ءبىرىنشى سورتتى ۇننان پىسىرىلگەن بيداي نانى (-1,5%) مەن تاۋىق ەتى (-0,9%) ارزانداعان.

ققس ءوسىمى الەۋمەتتىك ماڭىزى بار ازىق-ت ۇلىك باعاسىنا اسەر ەتتى مە؟

جىل باسىنان بەرى ارزانداعان ونىمدەر

1 قاڭتاردان باستاپ تومەندەگەن باعالار:

قيار: -3,7%;

الما: -1,5%;

قىزاناق: -1,0%;

قارا شاي: -0,7%;

تازارتىلعان كۇرىش: -0,6%;

قاتتى جانە جارتىلاي قاتتى ىرىمشىك: -0,6%;

تاۋىق ەتى: -0,5%;

ءسۇت: -0,3%;

قايماق: -0,2%;

تاۋىقتىڭ جامباسى, بالتىرى, سان ەتى: -0,2%;

سۇيەكتى سيىر ەتى: -0,1%;

سۇيەكسىز سيىر ەتى: -0,1%.

جالپى, 2026 جىلعى قاڭتاردىڭ ورتاسىنا قاراي الەۋمەتتىك ماڭىزى بار تاۋارلاردىڭ ورتاشا باعا يندەكسى الدىڭعى اپتامەن سالىستىرعاندا وزگەرىسسىز (100,0%) قالىپ, ازىق-ت ۇلىك نارىعىندا ۋاقىتشا تەپە-تەڭدىك ساقتالىپ وتىرعانىن كورسەتەدى.

دەمالىس كۇندەرى ازىق-ت ۇلىكتى قايدان ارزان الۋعا بولادى؟