10 قاڭتارىندا باستالعان ۇبت-عا بۇگىنگى كۇنگە دەيىن 36 مىڭنان استام تۇلەك قاتىستى. تالاپكەرلەردىڭ – 64%-ى تەستىلەۋدى قازاق تىلىندە, 36%-ى ورىس تىلىندە جانە 52 ادام اعىلشىن تىلىندە تاپسىردى, دەپ جازادى Egemen.kz.
ءبىرىنشى اپتانىڭ قورىتىندىسى بويىنشا تالاپكەرلەردىڭ – 60,3%-ى شەكتى بالل جينادى. بەس ءپان بويىنشا ورتاشا بالل – 57 بالدى قۇرادى. ەڭ جوعارى ناتيجە رەتىندە 131 بالل تىركەلدى.
ەرەكشە ءبىلىم بەرۋ قاجەتتىلىكتەرى بار وقۋعا تۇسۋشىلەر ءۇشىن قولايلى جاعداي جاساۋدىڭ ارقاسىندا ۇبت-عا 156 تالاپكەر قاتىسقان.
«تالاپكەرلەردىڭ تەست تاپسىرمالارىنىڭ مازمۇنى بويىنشا تەستىلەۋ اياقتالعاننان كەيىن 30 مينۋت ىشىندە اپەللياتسياعا بەرۋ قۇقىعى بار. تەحنيكالىق سەبەپتەر بويىنشا اپەللياتسيا تىكەلەي تەستىلەۋ كەزىندە قابىلدانادى. تەست ناتيجەسى كورسەتىلگەن سەرتيفيكاتتار اپەللياتسيا قاراستىرىلعاننان كەيىن جەكە كابينەتتەردە قولجەتىمدى بولادى», دەلىنگەن عىلىم جانە جوعارى ءبىلىم مينيسترلىگىنىڭ حابارلاماسىندا.
الداعى 3 جىلدا ۇبت تاپسىرمالارى حالىقارالىق ستاندارتتارعا سايكەستەندىرىلەدى
ۇبت-نىڭ ءبىرىنشى اپتاسىندا 94 ەرەجە بۇزۋشىلىق انىقتالدى. 56 تالاپكەر سمارتفون, شپارگالكا جانە باسقا دا تىيىم سالىنعان زاتتاردى الىپ كىرمەك بولعانى ءۇشىن تەستىلەۋدەن شەتتەتىلدى. تاعى 38 ادام تەستىلەۋ كەزىندە ەرەجەلەردى بۇزعانى ءۇشىن اۋديتوريادان شىعارىلىپ, ولاردىڭ ناتيجەلەرى جويىلدى. ال وزگە ادامداردىڭ ورنىنا كىرۋ فاكتىلەرى انىقتالماعان.
2026 جىلعى ۇبت اياقتالعاننان كەيىن وسى جىلدىڭ 31 قازانىنا دەيىن بەينەجازبالارعا تالداۋ جۇرگىزىلەدى. تىيىم سالىنعان زاتتاردى پايدالانۋ نەمەسە ەرەجەلەردى بۇزۋ فاكتىلەرى انىقتالعان جاعدايدا ۇبت ناتيجەلەرى جويىلادى.
وسى كەزەڭدەگى تەستىلەۋگە قاتىسۋعا 187 مىڭعا جۋىق ءوتىنىش كەلىپ ءتۇستى.
ايتا كەتەيىك, مينيسترلىك ۇبت ترانسفورماتسياسى 2027 جىلى باستالاتىنىن حابارلاپ وتىر.