استانادا مەملەكەت باسشىسى قاسىم-جومارت توقاەۆتىڭ قاتىسۋىمەن پارلامەنتتىك رەفورما جونىندەگى جۇمىس توبىنىڭ وتىرىسى ءوتتى. جيىندا زاڭ شىعارۋ جۇيەسىن جاڭعىرتۋعا باعىتتالعان ۇسىنىستار مەن قوعامنان تۇسكەن پىكىرلەر تالقىلاندى, دەپ جازادى Egemen.kz.
وتىرىستا مەملەكەتتىك كەڭەسشى ەرلان قارين پرەزيدەنتكە جۇمىس توبىنىڭ اتقارعان جۇمىسى تۋرالى بايانداپ, پارلامەنتتى ترانسفورماتسيالاۋعا قاتىستى ۇسىنىلىپ وتىرعان كونستيتۋتسيالىق وزگەرىستەردىڭ كولەمى كەڭ ەكەنىن اتاپ ءوتتى. ونىڭ ايتۋىنشا, باستامالار بيلىك تارماقتارى اراسىنداعى تەپە-تەڭدىكتى كۇشەيتۋگە جانە وكىلدى ورگاننىڭ ءرولىن ارتتىرۋعا باعىتتالعان.
پارلامەنت ماجىلىسىندەگى «Amanat» پارتياسى فراكتسياسىنىڭ جەتەكشىسى ەلنۇر بەيسەنباەۆ, «اق جول» پارتياسىنىڭ كوشباسشىسى ازات پەرۋاشەۆ جانە «جالپىۇلتتىق سوتسيال-دەموكراتيالىق پارتيا» فراكتسياسىنىڭ باسشىسى اسحات راحىمجانوۆ پارلامەنتتىك رەفورما اياسىندا جۇزەگە اسىرىلاتىن كونستيتۋتسيالىق وزگەرىستەردىڭ اۋقىمدى ەكەنىن مالىمدەدى. ولاردىڭ سوزىنشە, وڭىرلەردە وتكەن دەپۋتاتتاردىڭ جۇمىس كەزدەسۋلەرىندە ازاماتتار الداعى ساياسي رەفورمالارعا ەرەكشە قىزىعۋشىلىق تانىتىپ, بەلسەندى پىكىر ءبىلدىرىپ وتىر.
كونستيتۋتسيالىق رەفورما: 1,6 مىڭنان استام ۇسىنىس ءتۇستى
سونداي-اق جيىندا پارلامەنت سەناتىنىڭ كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ توراعاسى نۇرلان بەكنازاروۆ, ءماجىلىس دەپۋتاتتارى ءۇنزيلا شاپاق, مارات ءباشىموۆ, نيكيتا شاتالوۆ, سونداي-اق ساياساتتانۋشى ءبورىحان نۇرمۇحامەدوۆ ءوز كوزقاراستارىن ورتاعا سالدى.
توقاەۆ: كونستيتۋتسيانىڭ بىردەن بىرنەشە ءبولىمىن قايتا قاراۋ قاجەت بولادى
قاتىسۋشىلاردىڭ پىكىرىنشە, ۇسىنىلىپ وتىرعان وزگەرىستەر پارلامەنتتىڭ وكىلەتتىگىن كەڭەيتۋگە, زاڭ شىعارۋ ۇدەرىسىنىڭ ساپاسىن ارتتىرۋعا جانە قوعام مەن بيلىك اراسىنداعى ديالوگتى نىعايتۋعا سەرپىن بەرەدى.
پارلامەنت قالاي وزگەرەدى؟ پرەزيدەنت جۇمىس توبىمەن بىرگە كونستيتۋتسيالىق رەفورماعا قاتىستى نەگىزگى تاسىلدەردى تالقىلادى