كۇن سايىن نەبارى بەس مينۋت سەرۋەندەۋدىڭ ءوزى ادامنىڭ ءومىر جاسىن ۇزارتادى. مۇنداي تۇجىرىم «The Lancet» جۋرنالىندا جاريالانعان اۋقىمدى زەرتتەۋدە ايتىلدى.
عالىمدار نورۆەگيا, شۆەتسيا, اقش جانە ۇلىبريتانيادان جينالعان 135 مىڭنان استام ەرەسەك ادامنىڭ دەرەگىن تالداعان. قاتىسۋشىلاردىڭ ورتاشا جاسى 63 شاماسىندا. ولار سەگىز جىل بويى قيمىل-قوزعالىسىن ءدال ولشەيتىن قۇرىلعىنى تاعىپ جۇرگەن. قاتىسۋشىلاردىڭ 70 پايىزدان استامى كۇنىنە سەگىز ساعاتتان كوپ ۋاقىتتى كەڭسەدە وتىرىپ وتكىزگەن. بىراق سىرتقا شىعىپ, از ۋاقىت سەرۋەندەپ كەلگەندەر اراسىندا سوزىلمالى اۋرۋ دا, قوزعالىستى شەكتەيتىن كۇردەلى ماسەلە دە بولماعان.