6-22 اقپان ارالىعىندا يتاليانىڭ ميلان جانە كورتينا-د-امپەتستسو قالالارىندا XXV قىسقى وليمپيادا ويىندارى وتەدى. ءتورت جىلدىقتىڭ باستى باسەكەسىن «Qazaqstan» جانە «Qazsport» تەلەارنالارى تىكەلەي ەفيردە كورەرمەن نازارىنا ۇسىنادى, دەپ جازادى Egemen.kz.
وليمپيادا كەزىندە كورپوراتسيانىڭ ارنايى ءتۇسىرىلىم توپتارى ءدۇبىرلى دودادان ەكسكليۋزيۆتى حابار تاراتادى.
سونىمەن قاتار «Qazaqstan» مەن «Qazsport» ارنالارىنان كۇن سايىن «وليمپيادا كۇندەلىگى», «Qazsport» تەلەارناسىنان تىكەلەي ەفيردە «ميلان – كورتينا 2026» ستۋديالىق باعدارلاماسى كورەرمەنگە جول تارتادى.
ەل سپورتشىلارى قىسقى وليمپيادا ويىندارىندا قانداي كيىم ۇلگىسىمەن ونەر كورسەتەدى؟
اق ويىنداردا 8 سپورت تۇرىنەن 116 مەدال جيىنتىعى ساراپقا سالىنادى. قازىر ەل سپورتشىلارى شورت-ترەك, كونكيمەن جۇگىرۋ جانە مانەرلەپ سىرعاناۋدان وليمپيادا جولداماسىن يەلەندى.
ايتا كەتەيىك, قىسقى وليمپيادا تاريحىندا تۇڭعىش رەت جارىستاردى رەسمي تۇردە قوس قالا قابىلدايدى. يتاليا تورىندە 100-گە جۋىق ەلدىڭ 3000 سپورتشىسى ونەر كورسەتەدى دەپ جوسپارلانىپ وتىر.
قىسقى وليمپيادادا تۋدى كىمدەر ۇستايدى؟
قىسقى وليمپيادانىڭ اشىلۋ سالتاناتى 6 اقپان كۇنى وتەدى. سپورتتىق ءىس-شارانىڭ اشىلۋى مەن وزگە دە سايىستار «Qazaqstan», «Qazsport», «حابار» جانە «Jibek Joly» ارنالارىنان تىكەلەي ەفيردە كورسەتىلەدى.
حالىقارالىق وليمپيادا كوميتەتى 2030 جىلعى قىسقى وليمپيادا ويىندارى فرانتسيانىڭ ءالپى تاۋلارىندا وتەدى دەپ جوسپارلانىپ وتىرعانىن حابارلاعان.