باسەكە زاماندا كاسىپ مەڭگەرگەننىڭ ءباسى جوعارى

پلاتفورما جۇمىسىن باستاعالى كۇنى بۇگىنگە دەيىن شامامەن 1,2 ملن ادام ءبىلىم العان. مۇندا وقى­عان 56,6 مىڭ جۇمىسسىز ازاماتتىڭ شامامەن 16,9 مىڭى – 16-35 جاس ارا­لىعىنداعى جاس­تار. ولار نەگىزىنەن تۇركىستان (3,5 مىڭ ادام), قوستاناي (2,8 مىڭ), قىزىلوردا (2,5 مىڭ), الماتى وبلىستارىنان (2,2 مىڭ), الماتى قالاسىنان (2,3 مىڭ) ەكەن. «Skills Enbek»-تە سەرتيفيكات العان جۇمىس­سىزداردىڭ 56%-دان استامىن ايەلدەر قۇرايدى (32 مىڭ ادام). ايەلدەردىڭ ەڭ جوعارى ۇلەسى تۇركىستان (3,5 مىڭ), قوستاناي (2,8 مىڭ), قىزىلوردا (2,6 مىڭ) وبلىستارىندا, سونداي-اق الماتى قالاسى مەن قاراعاندى وبلىسىندا (ارقايسىسىندا 2,3 مىڭ ادام). ءبىلىم العانداردىڭ شامامەن 26 مىڭى اۋىل تۇرعىندارى. ولاردىڭ باسىم بولىگى تۇركىستان (3,2 مىڭ), قىزىلوردا (2,9 مىڭ) الماتى (2,6 مىڭ) وبلىستارىنان.

«Skills Enbek»-ءتىڭ ساباقتارى ىسكە قوسىلعان ساتتەن باستاپ اۆتورلار ءتۇرلى باعىتتاردا 1 000-نان استام كۋرس جاريالاسا, ولاردىڭ 382-ءسى تەگىن نەگىزدە. ساباقتاردىڭ ۇزاقتىعى 1 ساعاتتان 72 ساعاتقا دەيىن جالعاسادى. بىلتىر ەڭ تانىمال كۋرستار «IT جانە تەلەكوممۋنيكاتسيالار», «اسپاز-كونديتەر», «سەنىڭ مانساپتىق باستاماڭ: ەلەكتروندىق ەڭبەك بيرجاسىن قالاي پايدالانۋعا بولادى», «پەرسونالدى باسقارۋ», ء«پىشۋ جانە تىگۋ» بولىپتى. پلاتفورمادا الەۋمەتتىك قىزمەت كورسەتۋ, باسقا دا باعىتتارداعى تەگىن كۋرستاردىڭ سانى تۇراقتى تۇردە ارتىپ كەلەدى. سەبەبى بۇل جۇيە حالىقتىڭ ءبىلىم دەڭگەيى مەن كاسىبي بىلىكتىلىگىن ارتتىرۋعا, مانساپتىق دامۋدى ىنتالاندىرۋعا, ء«ومىر بويى ءبىلىم الۋ» تۇجىرىمداماسىن ىلگەرىلەتۋگە باعىتتالعان. قىز­مەتتەر نارىعىنىڭ ماركەتپلەيس قاعيداتىنا سايكەس, ونلاين-كۋرستاردى جىلدام ءارى وڭاي ۇسىناتىن حالىقارالىق ءبىلىم بەرۋ پلاتفورمالارىنىڭ ۇلگىسىمەن قۇرىلعان.

ونلاين وقۋدان وتكىسى كەلگەندەر وقۋ قارقىنىن, ءتىلىن, ماتەريالدى ۇسىنۋ ءتاسىلىن ءوز بەتىنشە تاڭداپ, وقۋ بارىسىنداعى ءوزىنىڭ دەڭگەيىن قاداعالاي الادى. وقۋدى اياقتاۋ ءۇشىن ءبىلىم الۋشى 70% شەكتى دەڭگەيدەن تومەن ەمەس ناتيجەمەن تەستىلەۋدەن وتۋگە ءتيىس. تەك كۋرستى ءساتتى اياقتاعان جاعدايدا داعدىنى مەڭگەرگەنى تۋرالى سەرتيفيكات بەرىلەدى. وقۋدى اياقتاۋدىڭ مىندەتتى شارتى – كۋرسقا باعا بەرۋمەن بايلانىستى. سەرتيفيكاتتى جۇكتەۋ كەزىندە العان داعدىلارعا سايكەس, بوس جۇمىس ورىندارىنا «Enbek.kz» سايتىنداعى ۇسىنىستار قوسا بەرىلەدى. قىسقاسى, ءسىزدىڭ سەرتيفيكات العانىڭىز تۋرالى اقپارات ەلەكتروندىق ەڭبەك بيرجاسىنداعى تۇيىندەمەڭىزدە جاڭعىرىپ شىعا كەلەدى.

«Skills Enbek»-تە ونلاين-كۋرس­تاردى ورنالاستىرۋ اۆتورلار مەن ازىرلەۋشىلەرگە تەگىن. ساباقتار قازاق, ورىس, اعىلشىن تىلدەرىندە قولجەتىمدى. ءارى اقپاراتتى ۇسىنۋدىڭ ءتۇرلى فورماتتارىن قامتۋعا ءتيىس دەگەن تالاپ تا بار. ونىڭ ىشىندە ءماتىن, تانىستىرىلىمدار, بەينە, اۋديوماتەريالدار, ينفوگرافيكا بار. پلاتفورمادا ەرەكشە ءبىلىم بەرۋ قاجەتتىلىكتەرى بار ادامدارعا ينتەرفەيستى بەيىمدەۋ مۇمكىندىگى قاراستىرىلعان.

وتكەن جۇمىسشى مامان­­دىقتار جىلى اياسىندا «Skills Enbek»-تە مەكتەپ تۇلەك­تەرى مەن تەحنيكالىق, كاسىپ­تىك ءبى­لىم بەرەتىن مەكەمە ستۋدەنت­تە­رىنە ارنالعان كۋرستار دا جاريالانعان. ونىڭ ىشىندە «سەنىڭ مانساپتىق باس­تاماڭ: ەلەكتروندىق ەڭبەك بير­جاسىن قالاي پايدالانۋعا بولادى» ساباعى ماماندىقتارعا پراكتي­كالىق سىلتەمە رەتىندە قىزمەت ەتەدى. ماماندىق تاڭداۋعا, جۇمىس ىزدەۋ مەن ءوزىن تانىس­تىرۋ داعدىلارىن مەڭگەرۋگە, سونداي-اق ەلەكتروندىق ەڭبەك بير­جاسىنىڭ قۇرالدارىن ءتيىم­دى پايدالانۋعا كومەكتەسەدى. بۇگىن­دە وسى سەكىلدى كۋرستاردان 529 مىڭ مەكتەپ وقۋشىسى مەن ستۋدەنت وتكەن. بۇل جوبانىڭ سۇرا­نىسقا يە ەكەنىن بىلدىرەدى.