جاس ونەرتاپقىشتاردىڭ الەۋەتى: يدەيالار نەلىكتەن وندىرىسكە جەتپەي قالادى؟

بالالاردى وي جۇمىسىنا باۋلۋ مەكتەپتەن باستالادى

مينيسترلىك جولداعان جاۋاپقا سۇيەنسەك, ەلىمىزدە وقۋشىلار مەن ستۋدەنتتەردىڭ عىلىمي-زەرتتەۋ جانە جوبالىق قىزمەتكە ەرتە جاستان ارالاسۋىنا جۇيەلى جاعداي جاسالعان. ۆەدومستۆو وقۋشىلار اراسىندا زەرتتەۋ داعدىسىن قالىپتاستىرۋ ماقساتىندا 2-7-ءشى سىنىپ وقۋشىلارىنا ارنالعان «زەردە» زەرتتەۋ جۇمىستارى مەن شىعارماشىلىق جوبالار كونكۋرسىن ءداستۇرلى تۇردە ۇيىمداستىرادى. اتالعان عىلىمي بايگەدە بۇگىنگە دەيىن 26 338 ءبىلىم الۋشى باق سىناپ, بويىندا ىزدەنۋ العىشارتتارىن قالىپتاستىرعان. ال 5-6-شى سىنىپ وقۋشىلارى ءۇشىن «ProEco» ەكولوگيالىق عىلىمي جوبالار بايقاۋى تۇراقتى تۇردە وتەدى.  8-11-ءشى سىنىپ ءبىلىم الۋشىلارى قارىم-قابىلەتىن جالپى ءبىلىم بەرەتىن پاندەر بويىنشا رەسپۋبليكالىق عىلىمي جوبالار كونكۋرسىنا قاتىسىپ شىڭداي الادى.

«كونكۋرس جاراتىلىستانۋ-ماتەماتيكالىق جانە قوعامدىق-گۋمانيتارلىق باعىتتاردى قامتيتىن 19 سەكتسيا بويىنشا وتكىزىلەدى. عىلىمي جوبالار جارىسىنا جىل سايىن مەكتەپىشىلىك كەزەڭدە شامامەن 30 مىڭعا جۋىق وقۋشى تىركەلىپ, اۋداندىق جانە وبلىستىق كەزەڭدەردىڭ ناتيجەسىندە ىرىكتەلگەن 1 000-عا جۋىق وقۋشى رەسپۋبليكالىق كەزەڭگە جولداما الادى. اتالعان جوبالار نەگىزىنەن عىلىمي-زەرتتەۋ جانە تاجىريبەلىك سيپاتتا بولادى», دەلىنگەن مينيسترلىك مالىمەتىندە.

«سامۇرىق-قازىنا» عىلىمي جوبالاردى قارجىلاندىرۋ ارقىلى ءوندىرىستىڭ تيىمدىلىگىن ارتتىرادى

سالاعا دەگەن سۇيىسپەنشىلىگى مەن قىزىعۋشىلىعى جوعارى بولىپ, جۇزدەن جۇيرىك شىققاندارعا جوباسىن تەرەڭىرەك زەردەلەۋگە مۇمكىندىك بەرىلەدى. ۇزدىكتەر حالىقارالىق دەڭگەيدە قازاقستاننىڭ اتىنان ونەر كورسەتۋ مارتەبەسىن يەمدەنەدى. بيىلدان باستاپ 6 اۆتورعا اقش-تا 80-گە جۋىق مەملەكەت وكىلدەرى باس قوساتىن Regeneron ISEF دۇنيەجۇزىلىك عىلىم جانە تەحنيكا كورمەسىندە جوبالارىن تانىستىرۋعا جولداما بەرىلەدى. وقۋ-اعارتۋ مينيسترلىگى ەندىگى جەردە اتالعان كورمەدەن جۇلدەلى ورالعان وقۋشىلار مەن ولاردىڭ عىلىمي جەتەكشىلەرىنە بىرجولعى سىياقى تولەۋدى كوزدەپ وتىر.

مينيسترلىك وقۋشىلاردىڭ عىلىمي جوبالارى, كوبىنە زەرتتەۋ جانە پروتوتيپتىك دەڭگەيدە ىسكە اسىرىلسا, كوللەدج ستۋدەنتتەرىنىڭ ستارتاپ-جوبالارىنىڭ ءبىر بولىگى ءوندىرىس پەن بيزنەسكە كەزەڭ-كەزەڭىمەن ەنگىزىلىپ جاتقانىنا نازار اۋداردى.

استانالىق ستۋدەنتتەر وكپە وبىرىن ەرتە انىقتايتىن جۇيە ويلاپ تاپتى

كوللەدج ستۋدەنتتەرىنىڭ ونەرتابىسىن كوممەرتسيالاۋدىڭ جولى كوپ

كوللەدج ستۋدەنتتەرىنىڭ جوبالىق جانە كاسىپكەرلىك الەۋەتىن دامىتۋ ەلىمىزدە مەكتەپكە دەيىنگى, ورتا, تەحنيكالىق جانە كاسىپتىك ءبىلىم بەرۋدى دامىتۋدىڭ 2023-2029 جىلدارعا ارنالعان تۇجىرىمداماسى اياسىندا جۇزەگە اسىرىلادى. وسى قۇجاتقا سايكەس ستۋدەنتتەردىڭ كاسىپكەرلىك داعدىلارىن قالىپتاستىرۋ ماقساتىندا 100 «Business Startup» ستۋدەنتتىك ورتالىعىن قۇرۋ ماقساتى قويىلعان. مينيسترلىك دەرەگىنشە, بۇگىندە وڭىرلەردە الەۋمەتتىك سەرىكتەستەردىڭ قاتىسۋىمەن 60 كوللەدجدىڭ بازاسىندا وسىنداي ورتالىق قۇرىلىپ, ولار ستۋدەنتتەردى جوبالىق قىزمەتكە تارتۋعا, ستارتاپتاردى قۇرۋ مەن ىلگەرىلەتۋگە قولداۋ كورسەتىپ وتىر. ورتالىقتاردىڭ جۇمىس باعىتى سان سالانى قامتيدى.

«ورتالىقتاردىڭ 20%-ى اقپاراتتىق جانە تسيفرلىق تەحنولوگيالار سالاسىندا جۇمىس ىستەيدى, ال 15%-ى وندىرىستىك جوبالارعا ماماندانعان. بۇدان بولەك, جوبالار اۋىل جانە مال شارۋاشىلىعى, ءبىلىم بەرۋ, قىزمەت كورسەتۋ, الەۋمەتتىك كاسىپكەرلىك جانە وزگە دە ەكونوميكا سالالارىن قامتيدى», دەلىنگەن مينيسترلىك مالىمەتىندە.

مەكتەپ وقۋشىلارى ادامعا داۋسىن قايتاراتىن قۇرىلعى ويلاپ تاپتى

ورتالىقتاردا ءپىسىپ-جەتىلگەن جوبالاردى ىرىكتەۋ مەن ءارى قاراي ىلگەرىلەتۋ ءۇشىن وبەكتيۆتى تاڭداۋدىڭ ماڭىزى زور. سوندىقتان قۇرامىنا كاسىپكەرلەر مەن كاسىبي ماماندار بىرىككەن قازىلار القاسى كوللەدجىشىلىك جانە وڭىرلىك تۋرنيرلەردە سۇرانىس پەن ۇسىنىسى تەڭ تارتىمدى جوبالاردى تاڭداۋعا دەن قويادى. سونداي-اق جوبانىڭ پراكتيكالىق ماڭىزى, يننوۆاتسيالىق سيپاتى, ىسكە اسىرۋ مۇمكىندىگى, الەۋمەتتىك اسەرى نەگىزگى كريتەري رەتىندە ەسكەرىلەدى. وسى اتالعان ساتىلاردان سۇرىنبەگەن ستارتاپ-جوبالار «مەن – كاسىپكەرمىن» گراندتۋرنيرىنە جانە «ميسس بيزنەس – 2025», «توپ – 100 ستۋدەنت» كونكۋرسىنا جولدانادى.

«بۇگىنگە دەيىن اتالعان بايقاۋلاردىڭ رەسپۋبليكالىق كەزەڭىنە 925 جوبا كەلىپ ءتۇستى. ولار ءوندىرىس, اۋىل شارۋاشىلىعى, الەۋمەتتىك كاسىپكەرلىك, ساۋدا, مادەنيەت جانە ونەر, ديزاين جانە كرەاتيۆتى يندۋستريالار, ءبىلىم بەرۋ, مەديتسينا, تۋريزم, تسيفرلىق تەحنولوگيالار, كولىك جانە لوگيستيكا, ەكولوگيا سياقتى باعىتتاردى قامتىدى. سونىمەن قاتار حالىقارالىق سەرىكتەستەر تاراپىنان 14 شەتەلدىك جوبا ۇسىنىلدى. قورىتىندىسى بويىنشا ەلدىڭ 20 ايماعىنان 72 جوبا (137 قاتىسۋشى) ىرىكتەلىپ, ولاردىڭ بىرقاتارى قىزمەت كورسەتۋ, الەۋمەتتىك جانە وتباسىلىق بيزنەس فورماتىندا پيلوتتىق كەزەڭنەن ءوتىپ, ناقتى نارىقتا ىسكە اسىرىلىپ جاتىر», دەلىنگەن مينيسترلىك جاۋابىندا.

استانادا مەكتەپ وقۋشىسى «اقىلدى شلاگباۋم» ويلاپ تاپتى

ال وقۋشى جانە ستۋدەنت جوبالارىنىڭ اۆتورلىق قۇقىعى ەلىمىزدىڭ قولدانىستاعى زاڭناماسىنا سايكەس قورعالادى.