«Hyundai» 2028 جىلدان باستاپ ادام ءتارىزدى روبوتتاردى اقش-تىڭ دجوردجيا شتاتىنداعى زاۋىتىندا ىسكە قوسپاق. قازىر كاسىپورىن جىلىنا 30 مىڭعا دەيىن قۇلتەمىر ءوندىرۋدى كوزدەپ وتىر.
«Atlas» اتتى جاڭا روبوت «CES 2026» كورمەسىندە تانىستىرىلعان. ول زاۋىتتاعى قاۋىپتى ءارى اۋىر جۇمىستاردى اتقارۋعا ارنالعان. ناقتىراق ايتساق, قۇرىلعى 50 كگ-عا دەيىن جۇك كوتەرە الادى جانە – 20-دان +40 گرادۋسقا دەيىنگى تەمپەراتۋرادا جۇمىس ىستەي بەرەدى. روبوتتىڭ قولدارى ادام قولىنا ۇقساس, سەزىمتالدىعى جوعارى. كومپانيانىڭ بولجامىنشا, 2030 جىلعا قاراي «Atlas» روبوتتار بولشەكتەردى قۇراستىرۋ, اۋىر جۇكتەردى تاسىمالداۋ سياقتى كۇردەلى وپەراتسيالارعا كەڭىنەن تارتىلادى.