• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
جۇمىس 14 قاڭتار, 2026

ارقالىق اۋەجايى بوس جۇمىس ورىندارى جارمەڭكەسىن وتكىزدى

40 رەت
كورسەتىلدى

بيىل ارقالىق قالاسىنىڭ اۋەجايى قايتا ىسكە قوسىلادى. پرەزيدەنت تاپسىرماسى اياسىندا قولعا الىنعان يگى جوبا الداعى جازدا تولىق اياقتالىپ, اۋەجاي ەل يگىلىنە قىزمەت ەتە باستايدى, دەپ جازادى Egemen.kz.

 

وسىعان وراي, قالالىق مادەنيەت ۇيىندە بوس جۇمىس ورىندارى جارمەڭكەسى ءوتتى. ءىس-شاراعا قالا اكىمى ءامىرحان اسانوۆ,  احمەت بايتۇرسىن ۇلى اتىنداعى قوستاناي حالىقارالىق اۋەجايىنىڭ باسقارما توراعاسىنىڭ ورىنباسارى جاسۇلان ىسقاقوۆ قاتىستى.

 «جوسپار بويىنشا العاشقى ۇشاقتار الماتى, استانا, قوستاناي باعىتتارى بويىنشا ۇشادى. ياعني, اۋەجاي بيزنەس, ءبىلىم بەرۋ, تۋريزم جانە جولاۋشىلار قاتىناسىنىڭ جاڭا بەلەسكە كوتەرىلۋىنە جول اشادى. ارقالىقتىڭ ترانزيتتىك الەۋەتى ارتىپ, ءوڭىر دامۋىنا وڭ سەرپىن بەرەتىن جاڭا مۇمكىندىكتەر پايدا بولادى», دەدى قالا اكىمى.

«Bloomberg»-تە جۇمىس ىستەيتىن قازاق قىزى الپاۋىت كومپانياعا قالاي جۇمىسقا ورنالاستى؟

جاسۇلان ىسقاقوۆ ارقالىق اۋەجايى ىسكە قوسىلعان سوڭ, قالا تۇرعىندارىن تۇراقتى جۇمىسپەن قامتاماسىز ەتۋ, حالىقتىڭ الەۋمەتتىك جاعدايىن ارتتىرۋ تۇرعىسىنان دا مول پايدا اكەلەتىنىن ايتتى.

«بۇگىنگى بوس جۇمىس ورىندارى جارمەڭكەسىنىڭ ناتيجەسىندە كوپتەگەن ازاماتتار تۇراقتى جۇمىسقا ورنالاسادى.  اركىم وزىنە قولايلى جۇمىس تاۋىپ, الداعى جازدا اشىلاتىن اۋەجايدىڭ حالىققا ساپالى قىزمەت كورسەتۋىنە ۇلەس قوساتىن بولادى», دەدى ج.ىسقاقوۆ.

ءىس-شارا بارىسىندا ارنايى ماماندار جۇمىس ىزدەۋشىلەردىڭ تۇيىندەمەلەرىن قابىلداپ الدى. ۇمىتكەرلەردىڭ ءبارى ارنايى تەكسەرۋدەن وتەدى. جۇمىسقا قابىلدانعاندار قوستاناي اۋەجايىنا وقۋ كۋرستارىنا جىبەرىلەتىن وتەتىن بولادى.

«ەكى-ءۇش جىلدان بەرى تۇراقتى جۇمىسىم جوق, ءار جەردە جالدانىپ ناپاقا تاۋىپ ءجۇرمىن. ءبىراز جىل ارقالىقتاعى تورعاي بوكسيت كەن باسقارماسىندا ارنايى تەحنيكا جۇرگىزدىم. ۆاحتالىق جۇمىستا بولدىم. بۇگىن جۇرگىزۋشى رەتىندە قۇجات تاپسىردىم. ويتكەنى اۋەجايعا دا تاجىريبەلى جۇرگىزۋشىلەر كەرەك», دەيدى قالا تۇرعىنى بەرىك امەنعالي ۇلى.

 Meta قازاقستان بويىنشا سالىناتىن كونتەنتپەن جۇمىس ىستەيتىن قىزمەتكەر ىزدەپ جاتىر

قوستاناي وبلىسى

 

سوڭعى جاڭالىقتار