قازاقستان قور بيرجاسىنداعى (KASE) كۇندىزگى ساۋدا قورىتىندىسى بويىنشا ءبىر دوللاردىڭ ورتاشا سارالانعان باعامى 510,43 تەڭگەنى قۇرادى, بۇل الدىڭعى كورسەتكىشتەن 0,72 تەڭگەگە جوعارى, دەپ حابارلايدى Egemen.kz.
Kurs.kz سايتىنىڭ مالىمەتىنشە, قازىرگى ۋاقىتتا الماتى قالاسىنداعى ايىرباستاۋ پۋنكتتەرىندە دوللاردىڭ ورتاشا ساتىپ الۋ باعامى – 510,69 تەڭگە, ساتۋ باعامى – 512,77 تەڭگە. استانادا ايىرباستاۋ پۋنكتتەرى دوللاردى ورتا ەسەپپەن 510 تەڭگەدەن ساتىپ الىپ, 517 تەڭگەدەن, شىمكەنت قالاسىندا دوللاردى 510,33 تەڭگەدەن ساتىپ الىپ, 512,33 تەڭگەدەن ساتۋدا.
ەسكە سالايىق, كۇندىزگى ساۋدا قورىتىندىسى بويىنشا 29 جەلتوقساندا دوللاردىڭ ورتاشا سارالانعان باعامى 0,52 تەڭگەگە ءوستى, 30 جەلتوقساندا 1,58 تەڭگەگە تومەندەدى, 31 جەلتوقساندا 3,02 تەڭگەگە ءوستى. 5 قاڭتاردا 5,53 تەڭگەگە, 6 قاڭتاردا 1,46 تەڭگەگە كوتەرىلدى, 8 قاڭتاردا 3,19 تەڭگەگە تومەندەسە, 9 قاڭتاردا 0,98 تەڭگەگە ءوستى. ال 12 قاڭتاردا 0,24 تەڭگەگە كەمىپ, 13 قاڭتاردا 0,07 تەڭگەگە ارتتى.
ايتا كەتەيىك, ۇلتتىق بانكتىڭ 14 قاڭتارعا ارنالعان رەسمي دوللار باعامى – 509,75 تەڭگە.