12 قاڭتار ساعات 11:09 شاماسىندا اقتاۋ قالالىق پوليتسيا قىزمەتكەرلەرىنە اينالاسىنداعىلارعا ءمان بەرمەي تەڭىز ورتاسىنا قاراي بەت العان ءجاسوسپىرىم تۋرالى حابار تۇسكەن, دەپ جازادى Egemen.kz.
وقيعا ورنىنا دەرەۋ جەتكەن اقتاۋ قالاسى پوليتسيا باسقارماسىنىڭ پاترۋلدىك پوليتسيا باتالونىنىڭ قىزمەتكەرلەرى ابدۋراحيم ساتەشوۆ جانە ازامات قارابالاەۆ جاعدايدىڭ اسا قاۋىپتى ەكەنىن كورىپ, كىدىرمەستەن تەڭىزگە سەكىرگەن. وزدەرىنىڭ جەكە قاۋىپسىزدىگىن ەلەمەي, ولار ءجاسوسپىرىمدى جاعاعا الىپ شىعىپ, بالانىڭ ءومىرىن ساقتاپ قالدى.
قازىر ءجاسوسپىرىمنىڭ جاعدايى ورتاشا, تۇراقتى. ءومىرى مەن دەنساۋلىعىنا قاۋىپ جوق. جاسوسپىرىممەن ءومىرىن قاۋىپكە تىكپەۋ تۋرالى اڭگىمە جۇرگىزىلگەن.
بۇعان دەيىن ۇلىتاۋلىق پوليتسەيلەر ءورت شىققان ۇيدەن ءۇش بالانى قۇتقارىپ قالعانىن حابارلاعانبىز.
ال استانادا قۇتقارۋشىلار بيىكتەن سەكىرمەك بولعان قىزدى امان الىپ قالدى.