ەلىمىزدە اسكەري قىزمەتكەرلەردىڭ جالاقىسى وسەدى

قورعانىس مينيسترلىگىنىڭ حابارلاۋىنشا, بۇل جالاقىنىڭ كوتەرىلۋى اسكەري قىزمەتكەرلەردىڭ اقشالاي قامتاماسىز ەتىلۋىن ارتتىرۋدىڭ ەكىنشى كەزەڭى بولماق. العاشقى كەزەڭ 2025 جىلعى 1 قاڭتاردان باستاپ جۇزەگە اسىرىلدى. وفيتسەرلىك قۇرامنىڭ جالاقىسى ورتا ەسەپپەن 20,3%, ال قاتارداعى جانە سەرجانتتىق قۇرامنىڭ جالاقىسى 33,9% وسكەن.

«2025 جىل قازاقستان اسكەري قىزمەتكەرلەرىن الەۋمەتتىك قامتاماسىز ەتۋ جۇيەسىندەگى وزگەرىستەرگە ەڭ باي جىلداردىڭ ءبىرى بولدى. قابىلدانعان شارالار اقشالاي قامتۋدى, تۇرعىن ءۇي ماسەلەلەرىن, ءبىلىم بەرۋدى, وتباسىلاردى قولداۋدى جانە قىزمەت اياقتالعاننان كەيىن ازاماتتىق ومىرگە بەيىمدەلۋدى قامتىدى. بۇعان دەيىن جويىلعان دالالىق تولەمدەر جۇيەسى قايتا قالپىنا كەلتىرىلدى. 1 شىلدەدەن باستاپ اسكەري قىزمەتكەرلەرگە دالالىق شىعۋلارعا, تەڭىز جورىقتارىنا جانە وقۋ-جاتتىعۋلارعا قاتىسقان ءار تاۋلىك ءۇشىن ءىسساپار شىعىندارىن راسىمدەمەي, 1,2 اەك مولشەرىندە دالالىق تولەمدەر قايتا تولەنە باستادى», دەپ اتاپ ءوتتى قورعانىس مينيسترلىگى.

2025 جىلعى 17 قاراشادان باستاپ «وتباسى بانك» تۇرعىن ءۇي تولەمدەرىن الاتىن اسكەري قىزمەتكەرلەرگە ارنالعان ارنايى يپوتەكانى ىسكە قوستى. «اسكەري باسپانا» باعدارلاماسى ەكىنشى نارىقتان تۇرعىن ءۇي ساتىپ الۋعا باعىتتالعان. باعدارلاما شارتتارىنا سايكەس, باستاپقى جارنا 20%, ال الدىن الا بەرىلەتىن قارىزدىڭ پايىزدىق مولشەرلەمەسى جىلىنا 18%. تۇرعىن ءۇي باعاسىنىڭ 50%-ى جيناقتالعان جاعدايدا بۇل مولشەرلەمە 5%-عا دەيىن تومەندەيدى.

«ناۋرىز اسكەري» باعدارلاماسى باستاپقى جارناسىز جاڭا تۇرعىن ۇيدەن پاتەر ساتىپ الۋعا مۇمكىندىك بەرەدى. نەسيە سوماسىنىڭ ەڭ جوعارى مولشەرى استانا مەن الماتى قالالارىندا 36 ميلليون تەڭگەگە دەيىن, باسقا وڭىرلەردە 30 ميلليون تەڭگەگە دەيىن, ال باستاپقى جارنا 20%-دان اسقان جاعدايدا 80 ميلليون تەڭگەگە دەيىن جەتەدى. قارىزدىڭ پايىزدىق مولشەرلەمەسى جىلىنا 9%-عا تەڭ.

سونىمەن قاتار مىڭنان استام اسكەري قىزمەتكەردىڭ بالالارى «بالداۋرەن» بالالاردى ساۋىقتىرۋ ورتالىعىندا دەمالىپ, دەنساۋلىعىن نىعايتتى. بۇل قورعانىس مينيسترلىگىنىڭ الەۋمەتتىك ساياساتىنىڭ ماڭىزدى بولىگىنە اينالدى.

Sarbaz 2.0 تسيفرلىق جوباسى ىسكە قوسىلعاننان بەرى 9 مىڭنان استام ۇزدىك اسكەري قىزمەتكەر ءبىلىم بەرۋ گرانتتارىنا يە بولدى. ولاردىڭ ىشىندە 3 مىڭنان استامىنا جاتاقحانادا باسىمدىق بەرىلەدى, اتاپ ايتقاندا, شاكىرتاقى تولەۋ, مەملەكەتتىك گرانتتار قاراستىرىلعان.

اسكەري قىزمەتكە جارامدىلىق دارەجەسى تۋرالى انىقتامانى ونلاين الۋعا بولادى

20 مىڭنان استام مەرزىمدى اسكەري قىزمەتكەر جالپى سوماسى شامامەن 8 ميلليارد تەڭگە بولاتىن «نەسيەلىك دەمالىستاردى» پايدالاندى. سونىمەن قاتار قىزمەت بارىسىندا ساربازدار ەڭبەك نارىعىندا سۇرانىسقا يە جۇمىسشى ماماندىقتارىن تەگىن مەڭگەرە الادى. اتاپ ايتقاندا, اۋىر جۇك كولىكتەرىنىڭ جۇرگىزۋشىسى, ەكسكاۆاتورشى, بايلانىس مامانى, ديزەلشى-ەلەكتريك, پارامەديك سياقتى ماماندىقتار بار. وقۋ اياقتالعان سوڭ رەسمي سەرتيفيكاتتار تابىستالادى.

زەينەتكە شىعار الدىنداعى اسكەري قىزمەتكەرلەردى بەيىمدەۋ ماقساتىندا اسكەري جوعارى وقۋ ورىندارىنىڭ بازاسىندا ولار مەكتەپتەردە العاشقى اسكەري دايىندىق پانىنەن ساباق بەرۋ ءۇشىن, سونداي-اق كەيىن اسكەري كافەدرالاردا جۇمىسقا ورنالاسۋ ماقساتىندا تەگىن قايتا دايارلاۋدان وتە الادى. بۇل شەشىم وفيتسەرلەردىڭ كاسىبي الەۋەتىن ساقتاۋعا جانە ولاردىڭ ازاماتتىق قىزمەتكە بىرتىندەپ كوشۋىنە مۇمكىندىك بەرەدى.

سونداي-اق ەلىمىزدەگى اسكەري قىزمەتكەرلەردىڭ كۇندەلىكتى ازىق قۇنى 3 150 تەڭگەگە دەيىن ءوستى.

«2026 جىلى 1 قاڭتاردان باستاپ قارۋلى كۇشتەردە جالپى اسكەرلىك ازىق-ت ۇلىكتىڭ قۇنى 900 تەڭگەگە ارتتى جانە قازىر تاۋلىگىنە 3 150 تەڭگە تولەنەدى. 2025 جىلعى تامىزدا رەسپۋبليكا بيۋدجەتتىك كوميسسياسى ازىق-ت ۇلىك سەبەتىنىڭ قۇرامىن جانە قازىرگى نارىقتىق جاعدايدى ەسكەرە وتىرىپ قوسىمشا قاراجات بولۋگە ماقۇلداندى», دەپ مالىمدەدى قورعانىس مينيسترلىگى.

الماتى وبلىسىندا وقۋ-جاتتىعۋ كەزىندە ۇلتتىق ۇلاننىڭ مەرزىمدى قىزمەتتەگى اسكەري قىزمەتشىسى وق جاراقاتىن الدى