قازاقستان رەسپۋبليكاسىنىڭ قارجى مينيسترلىگىنە قاراستى مەملەكەتتىك كىرىستەر كوميتەتى سىرا مەن سىرا ونىمدەرىن تسيفرلىق تاڭبالاۋ جۇيەسىن كەزەڭ-كەزەڭىمەن ەنگىزۋ مەرزىمدەرى تۋرالى حابارلادى, دەپ جازادى Egemen.kz.
«قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتى نارىق قاتىسۋشىلارىن سىرا مەن سىرا ونىمدەرىن تسيفرلىق تاڭبالاۋ جۇيەسىن كەزەڭ-كەزەڭىمەن ەنگىزۋ, سونداي-اق تاۋارلاردى تاڭبالاۋ جانە قاداعالاۋ اقپاراتتىق جۇيەسىندە تىركەۋ راسىمدەرىنىڭ ىسكە قوسىلۋى جونىندە حاباردار ەتەدى. «تاڭبالاۋعا جاتاتىن تاۋارلار تىزبەسىن ايقىنداۋ تۋرالى» بۇيرىققا سايكەس, 2026 جىلعى 1 اقپاننان باستاپ قازاقستان رەسپۋبليكاسىندا سىرا مەن سىرا ونىمدەرىن تسيفرلىق تاڭبالاۋ كەزەڭ-كەزەڭىمەن ەنگىزۋ جوسپارلانىپ وتىر», دەلىنگەن حابارلامادا.
وندىرۋشىلەر مەن يمپورتتاۋشىلار جۇيەنىڭ جۇمىسىمەن جانە تاۋارلاردى تاڭبالاۋ جانە قاداعالاۋ اقپاراتتىق جۇيەسىنە (تتق اج) تىركەلۋ مۇمكىندىكتەرىمەن قازىردىڭ وزىندە https://tanba.markirovka.kz/ مەكەنجايىنداعى وندىرىستىك ستەند ارقىلى تانىسا الادى.
اتالعان جۇيە ءونىم تۋرالى مالىمەتتەردى كورسەتۋگە, سونداي-اق ءوندىرىس پەن لوگيستيكادا Data Matrix كودتارىن قولدانۋعا بايلانىستى ۇدەرىستەردى قولداۋعا ارنالعان.
تسيفرلىق تاڭبالاۋدى ەنگىزۋ مىنا مەرزىمدەردە جۇزەگە اسىرىلادى:
2026 جىلعى 1 اقپاننان باستاپ – بوشكەلەردەگى (كەگ) جانە بوتەلكەلەردەگى ونىمدەر ءۇشىن;
2027 جىلعى 1 قاڭتاردان باستاپ – قاڭىلتىر بانكىلەردەگى ونىمدەر ءۇشىن.
اتالعان مەرزىمدەردەن كەيىن شىعارىلاتىن ونىمدەر اينالىمعا ەنگىزۋ كەزىندە Data Matrix كودتارىن پايدالانا وتىرىپ, تتق اج-دا تىركەلەتىن بولادى.
ەسكە سالايىق, 2025 جىلعى قاراشادا قازاقستاندا مىندەتتى تاڭبالاۋعا جاتاتىن تاۋارلار تىزبەسى كەڭەيتىلگەنى حابارلانعان ەدى. تىزىمگە ءتورت جاڭا تاۋار توبى ەنگىزىلدى:
سىرا ونىمدەرى, موتور مايلارى, جەڭىل ونەركاسىپ تاۋارلارى سايعاق دەريۆاتتارى.قازىرگى ۋاقىتتا مىندەتتى تسيفرلىق تاڭبالاۋعا ءۇش تاۋار توبى جاتادى:
تەمەكى ونىمدەرى, اياق كيىم دارىلىك زاتتار.وسى ۋاقىتقا دەيىن 7 ملرد-تان استام تاۋار بىرلىگى تاڭبالانعان. زەرگەرلىك بۇيىمدار بويىنشا پيلوتتىق جوبا اياقتالعان. سونداي-اق بيولوگيالىق بەلسەندى قوسپالاردى (ببق), تۇرمىستىق حيميانى, گاز باللوندارىن, مەديتسينالىق ماقساتتاعى بۇيىمداردى, وسىمدىك مايىن جانە اعاش ماتەريالدارىن تاڭبالاۋ بويىنشا پيلوتتىق جوبالار ىسكە اسىرىلىپ جاتىر.
مىندەتتى تاڭبالاۋعا تاعى ءبىر ءونىم قوسىلدى