امەريكالىق «Talker Research» كومپانياسى 2 مىڭ ادام اراسىندا ساۋالناما جۇرگىزىپ, ءار جاستاعى ادامداردىڭ تەلەفونعا تاۋەلدىلىگىن انىقتاعان ەدى. ءبىر تاڭعالارلىعى, «تسيفرلىق ءداۋىردىڭ بالالارى» دەپ جۇرگەن Z بۋىنىنىڭ 63%-ى الەۋمەتتىك جەلىدەن جالىعىپ, ەكران الدىندا وتكىزەتىن ۋاقىتىن سانالى تۇردە شەكتەيتىن كورىنەدى.
جاستاردىڭ ايتۋىنشا, ينتەرنەتتە وتەتىن ۋاقىتتىڭ ەداۋىر بولىگى شىنايى بايلانىسقا ەمەس, كەرىسىنشە, جالعىزدىق سەزىمىن كۇشەيتۋگە ۇلاساتىن كورىنەدى. سوندىقتان كوپشىلىك شىنايى ومىرگە قايتا بەت بۇرعان. ساۋالناماعا قاتىسقانداردىڭ 84%-ى كۇندەلىكتى داعدىسىنا كىتاپ وقۋ, داپتەرگە جازۋ, قاعاز كۇنتىزبە قولدانۋ, ۇستەل ويىندارىن ويناۋ, بولەك وياتقىش قويۋ سياقتى قاراپايىم ارەكەتتەردى ەنگىزگەن. زەرتتەۋ اۆتورلارىنىڭ ءبىرى باربارا حاگەن مۇنى تەحنولوگيادان قاشۋ ەمەس, وفلاين ۋاقىتتىڭ قۇنىن ءتۇسىنىپ, نازاردى قايتا باسقارۋعا ۇمتىلىس دەپ باعالايدى.