وسىدان ءبىراز ۋاقىت بۇرىن شىمكەنت قالاسى پوليتسيا دەپارتامەنتىنە قاراستى ءال-فارابي اۋداندىق پوليتسيا باسقارماسىنىڭ باستىعى پارامەن ۇستالدى دەگەن اقپارات تاراعان بولاتىن. جۋىردا ۇلتتىق قاۋىپسىزدىك كوميتەتى وسى جايتقا قاتىستى قىلمىستىق ءىس قوزعالعانىن رەسمي تۇردە راستادى, دەپ جازادى Egemen.kz.
دەرەكتەرگە سۇيەنسەك كۇدىكتىگە 20 ميلليون تەڭگە پارا الدى دەگەن ايىپ تاعىلىپ وتىر. ادۆوكاتتاردىڭ ايتۋىنشا كۇدىكتى ءوزىن كىنالى ەمەسپىن دەپ سانايدى.
ءال-فارابي اۋداندىق پوليتسيا باسقارماسىنىڭ باسشىسى 28 جەلتوقساندا ۇستالعان بولاتىن. ازىرگە تەرگەۋ امالدارى ءجۇرىپ جاتىر. بىراق ءبىر ايتا كەتەرلىگى سوڭعى ءبىر-ەكى جىلدىڭ كولەمىندە شىمكەنتتە جوعارى لاۋازىمدى ءتارتىپ ساقشىلارىنىڭ ۇستالۋى جيىلەپ كەتتى.
ۇلتتىق قاۋىپسىزدىك كوميتەتى جەمقورلىققا وقتالعان 895 ادامدى ۇستادى
ماسەلەن بىلتىر تامىزدا تۇران اۋداندىق پوليتسيا باسقارماسىنىڭ باستىعى مەن ونىڭ قاراماعىنداعى جەدەل ءبولىم قىزمەتكەرى قۇرىقتالعان ەدى. ولار قىلمىستىق ءىستى وڭ شەشىپ بەرۋ ءۇشىن پارا الدى دەگەن كۇدىكپەن ۇستالعان. جالپى مۇنداي لاۋازىمداعى پوليتسەيدىڭ پارامەن تۇتقىندالۋى شاھار تاريحىندا ءبىرىنشى رەت بولعان وقيعا دەپ سول كەزدە كادىمگىدەي ءسوز بولعان. ەندى ارادا ءتورت اي وتكەندە, تاعى ءبىر اۋداننىڭ باس پوليتسەيى پارا الدى دەگەن كۇدىكپەن قولىنا كىسەن سالىندى.
ء بىلىم جۇيەسىندە جەمقورلىققا جول جوق
2024 جىلى دا شىمكەنت قالالىق پوليتسيا دەپارتامەنتىندە ءىرى لاۋازىمدى پوليتسەيلەر سىبايلاس قىلمىسقا باردى دەگەن كۇدىكپەن قامالعان. كوپ ۇزاماي دەپارتامەنت باستىعى, گەنەرال دۋمان تاەۆ وتستاۆكىگە كەتتى. ونىڭ ورنىن الماتى قالالىق پوليتسيا دەپارتامەنتى باستىعىنىڭ ءبىرىنشى ورىنباسارى, پوليتسيا پولكوۆنيگى نۇرلان الماسبەكوۆ باستى. بىراق ءبارىبىر دە جوعارى شەندى مەگاپوليس پوليتسەيلەرى اراسىندا جەمقورلىققا قاتىستى قىلمىس تىيىلماي تۇر.
جەمقورلاردان تاركىلەنگەن قارجىعا 77 مەكتەپ سالىندى