اباي وبلىسى, بەسقاراعاي اۋدانىنا قاراستى جەتىجار اۋىلدىق وكرۋگىندە ورنالاسقان لەسنوە اۋىلى الكوگول ونىمدەرىن تۇتىنۋدان تولىقتاي باس تارتتى, دەپ جازادى Egemen.kz.
اۋىلدا 170 تۇرعىن, 34 اۋلا بار. اتالعان باستامانى جەتىجار اۋىلدىق وكرۋگىنە جاۋاپتى بەسقاراعاي اۋدانى پوليتسيا ءبولىمىنىڭ قوعامدىق قاۋىپسىزدىك بولىمشەسىنىڭ ۋچاسكەلىك پوليتسيا ينسپەكتورى مۇرات شاكيمۇراتوۆ كوتەرىپ, اۋىل اقساقالدارى, قوعامدىق كەڭەس مۇشەلەرى جانە بەلسەندى تۇرعىندار تولىق قولداعان.
قوسشى قالاسىنىڭ كاسىپكەرلەرى الكوگول ساتۋدان باس تارتتى
الكوگول ونىمدەرىن تۇتىنۋدان باس تارتۋ اۋىلداعى قوعامدىق جاعدايعا وڭ ىقپال ەتكەن. تۇرعىندارمەن ءوزارا ءىس-قيمىل جۇيەلەنىپ, بالالار مەن جاستاردىڭ تاربيەسىنە ەرەكشە كوڭىل ءبولىنىپ, ولاردىڭ بوس ۋاقىتىن ءتيىمدى ۇيىمداستىرۋ باعىتىندا جۇيەلى جۇمىستار جۇرگىزىلىپ جاتىر.
«لەسنوە اۋىلىنىڭ تۇرعىندارى كورسەتكەن بۇل بىرلىك پەن سانالى تاڭداۋ – قۇقىق بۇزۋشىلىقتىڭ الدىن الۋداعى ەڭ ءتيىمدى جول. حالىق پەن پوليتسيا اراسىنداعى ءوزارا سەنىم مەن ىنتىماقتاستىقتىڭ ارقاسىندا عانا وسىنداي ناتيجەگە قول جەتكىزىپ وتىرمىز. بۇل باستاما وزگە اۋىلدارعا دا ۇلگى بولادى دەپ سەنەمىن», دەدى مۇرات شاكيمۇراتوۆ.
بۇعان دەيىن قوستاناي, اقمولا, قاراعاندى وبلىسىنداعى بىرنەشە اۋىل ىشىمدىكتەن باس تارتقانىن حابارلاعانبىز.
ەندى الكوگول جۇمىس ۋاقىتى شەكتەۋلى ارنايى دۇكەندەردە عانا ساتىلۋى مۇمكىن