تايلاندتىڭ پحۋكەت جاعالاۋىندا تۋريستەر مىنگەن كاتەر مەن بالىقشىلارعا تيەسىلى كەمە سوقتىعىسىپ, كاتەردىڭ باسىم بولىگى سۋعا باتقان. سىرتقى ىستەر مينيسترلىگىنىڭ مالىمەتىنشە, كاتەر ىشىندە ەل ازاماتتارى دا بولعان, دەپ جازادى Egemen.kz.
كاتەردە 55 ادام بولعان. ونىڭ سەگىزى قازاقستان ازاماتى ەكەنى انىقتالىپ وتىر.
مينيسترلىك زارداپ شەككەن وتانداستارىمىزعا مەديتسينالىق كومەك كورسەتىلگەنىن حابارلادى.
«قازىر قازاقستاننىڭ 3 ازاماتى اۋرۋحاناعا جاتقىزىلدى. ولاردىڭ جاعدايى تۇراقتى, بارلىق شىعىندى ساقتاندىرۋ كومپانياسى وتەيدى. كونسۋل ازاماتتارمەن تۇراقتى بايلانىستا. ولارعا قاجەتتى قولداۋ كورسەتىلىپ جاتىر», دەلىنگەن ۆەدومستۆو تاراتقان حابارلامادا. تايلاندتا بۇعان دەيىن دە تۋريستەر مىنگەن كاتەر جانىپ كەتىپ, ۇشاق اپاتقا ۇشىراعان ەدى.