يرلانديا تۇرعىنى بەككي گيلمور سكەيتبوردپەن 2 800 شاقىرىم جول ءجۇرىپ ءوتتى. بۇل تۋريستىك باعىتتار ىشىندەگى ەڭ ۇزاق ساپارلاردىڭ ءبىرى سانالادى.
26 جاستاعى بەككي كۇن سايىن 60 شاقىرىمدى ەڭسەرىپ وتىرعان. ساپارىن بەس اي بۇرىن باستاعان ول قازىر مارەگە جاقىنداپ, الدا ءالى 300 شاقىرىم قالعانىن ايتادى. «بىرنەشە جىل بۇرىن جاقىن دوسىم كوز جۇمدى. ءبىز تەڭىز جاعاسىندا سكەيتبورد تەپكەندى جاقسى كورەتىنبىز. ونىڭ قازاسى ماعان دا اۋىر ءتيدى. سودان بەرى ادامداردىڭ ءوز-وزىنە قول سالۋىنىڭ الدىن الۋ جونىندە ءجيى ويلانامىن. ۇقساس جاعدايدى باستان كەشىرگەن, جاقىنىنان ايىرىلعان جاندارعا قولداۋ كورسەتكىم كەلەدى», دەيدى بەككي گيلمور. مۇنداي باستامالار تەك سپورتتىق جەتىستىك ەمەس, ەڭ الدىمەن قوعامداعى ءۇنسىز تاقىرىپتاردى قوزعاپ, ادام ءومىرىنىڭ قۇندىلىعىن ەسكە سالۋعا باعىتتالعان ماڭىزدى قادام رەتىندە باعالانادى.