مەملەكەت باسشىسىنىڭ اتىنا كوپتەگەن قۇتتىقتاۋلار كەلىپ ءتۇستى. ەل پرەزيدەنتىنە, پارتيا توراعاسىنا باستى جاقتاستارى – نۇر-وتاندىقتار دا ءوز سىيلىقتارىن تارتۋ ەتتى.
مەملەكەت باسشىسى نۇرسۇلتان نازارباەۆ “نۇر وتان” پارتياسىنان بىرەگەي سىيلىق الدى. پارتيا توراعاسىنىڭ ءبىرىنشى ورىنباسارى نۇرلان نىعماتۋلين ەل پرەزيدەنتى, پارتيا كوشباسشىسىنا ۇلكەن البوم سىيعا تارتتى. البومدا “نۇر وتان” پارتياسى ۇيىمداستىرعان “وتانداستار” ءبۇكىلحالىقتىق اكتسياسى شەڭبەرىندە ەل پرەزيدەنتى اتىنا كەلىپ تۇسكەن قازاقستان ازاماتتارىنىڭ قۇتتىقتاۋلارى مەن ءوتىنىش-تىلەكتەرى جيناقتالعان. جىل سايىن مەملەكەت باسشىسىنا ازاماتتاردان مىڭداعان جولداۋلار كەلەدى. الايدا, مۇنداي حاتتار لەگىن ول ءبىرىنشى رەت الدى. ەلىمىزدىڭ ءار تۇكپىرىندەگى, ءار ءتۇرلى جاستاعى, ءار ءتۇرلى ۇلت وكىلدەرى جانە ءار ءتۇرلى كاسىپتەگى 1,5 ميلليوننان استام قازاقستاندىق ءوز قۇتتىقتاۋلارىن جىبەردى. قۇتتىقتاۋلارىندا ولار وزدەرىنىڭ جۇرەكجاردى تىلەكتەرىن, ەلىمىزدەگى تۇراقتىلىق, ءار وتباسىنداعى توقشىلىق, ۇسىنىلىپ جاتقان مۇمكىندىكتەر ءۇشىن العىستارىن ءبىلدىرىپ, جاڭا تابىستار تىلەگەن. كوركەم باسىلىمدا قۇتتىقتاۋلاردىڭ ءبىر بولىگى عانا ۇسىنىلعان.
“نۇر وتان” پارتياسى ۇيىمداستىرعان “وتانداستار” اكتسياسى قازاقستاندىقتاردىڭ ءوز پرەزيدەنتىنە دەگەن بۇكىلحالىقتىق شىنايى ماحابباتى مەن جوعارى قۇرمەتىن كورسەتتى. اكتسيا شەڭبەرىندە اتاۋلى كۇنگە بايلانىستى 1,5 ميلليوننان استام حاتتار, قۇتتىقتاۋلار جانە ءوتىنىش-تىلەكتەر جينالعان. بۇل – ءبىزدىڭ ەلىمىزدىڭ بارلىق ايماقتارىنداعى قاراپايىم ازاماتتار نيەتىنىڭ ورتاقتىعىنىڭ بەلگىسى. پرەزيدەنتكە جانە ونىڭ جۇرگىزىپ وتىرعان رەفورمالار باعىتىنا ءوز قولداۋلارىن ايتىپ, ۇلت كوشباسشىسىنىڭ كومانداسىندا بولۋعا جانە ونىڭ بارلىق باستامالارىنا جولسەرىك بولۋعا دايىن ەكەندىگىن راستادى”, – دەدى پارتيا توراعاسىنىڭ ءبىرىنشى ورىنباسارى نۇرلان نىعماتۋلين.